Qazaq televiziiasynyŋ alǧaşqy diktorlarynyŋ bırı ömırden öttı

830
Adyrna.kz Telegram
https://adyrna.kz/storage/uploads/dpOwWwcDrnkgEkmxdm68mujH4QPLFMaKrnXYoCTf.webp

Qazaq televiziiasynyŋ qalyptasuyna üles qosqan alǧaşqy diktorlardyŋ bırı Zūlqiia Mūqanqyzy Jūmatova 106 jasynda dünieden ozdy, dep habarlaidy "Adyrna".

Qaraly habardy otandyq televiziia mamany Säule Jirenşina äleumettık jelıdegı paraqşasynda jetkızdı.

Zūlqiia Jūmatova 1920 jyly 20 aqpanda Pavlodar oblysy Baianauyl audanynda düniege kelgen. 15 jasynda anasynan aiyrylyp, segız balanyŋ ülkenı retınde bauyrlaryna qamqor bolǧan. Ekınşı düniejüzılık soǧys jyldarynda zauytta eŋbek etken.

Onyŋ televiziia salasyndaǧy qyzmetı 1958 jyly bastaldy. Almaty telestudiiasy aşylar tūsta ūiymdastyrylǧan diktorlar baiqauynda 750 ümıtkerdıŋ arasynan ırıktelıp şyqty. Sol jyldyŋ 8 nauryzynda Nelli Omarovamen bırge qazaq televiziiasynyŋ alǧaşqy efirın jürgızgen diktorlardyŋ bırı boldy.

Zūlqiia Mūqanqyzy 1958–1970 jyldary Qazaq televiziiasynda qyzmet etıp, ūlttyq teleefirdıŋ qalyptasuyna atsalysty. Ol tıkelei efirde jūmys ıstegen alǧaşqy diktorlardyŋ qatarynda boldy.

Televiziiadaǧy qyzmetımen qatar ädebi şyǧarmaşylyqpen de ainalysty. Balalarǧa arnap öleŋder men ertegıler jazdy. Onyŋ «Böbegım» atty besık jyryna kompozitor Baqytjan Baiqadamov än şyǧarǧan. Tuyndyny belgılı änşı Jamal Omarova oryndaǧan. Sondai-aq Zūlqiia Jūmatova mektepke deiıngı jastaǧy balalarǧa arnalǧan «Marattyŋ taŋdauy» kıtabyn jazdy. Eŋbek 200 myŋ danamen jaryq körgen.

2026 jylǧy mausymda Memleket basşysy Qasym-Jomart Toqaev otandyq jurnalistika men televiziia salasyna sıŋırgen eŋbegı üşın Zūlqiia Jūmatovany «Qūrmet» ordenımen marapattaǧan.

Säule Jirenşinanyŋ mälımetınşe, marqūmmen qoştasu räsımı 15 qaraşa künı saǧat 11:00-de ötedı.

Pıkırler