Kókshetaýda Aqmola oblysynyń onkologııalyq qyzmetiniń negizin qalaýshy Ómirbek Báıkenovtyń 90 jyldyǵyna oraı elimizdiń jetekshi hırýrgtarynyń qatysýymen kúrdeli hırýrgııalyq ota, sheberlik synyby, onkologııalyq aýrýlardy emdeýdiń jańa ádisteri boıynsha ǵylymı-praktıkalyq konferenııa ótti.
Óńirdiń onkologııalyq qyzmetin 40 jyldan astam basqarǵan daryndy dárigerge qurmet kórsete otyryp, Aqmola kópsalaly oblystyq aýrýhanasynyń onkologııalyq ortalyǵynyń ǵımaratynda Ómirbek Báıkenovtyń memorıaldyq taqtasy ornatyldy. Birneshe adamnyń ómirin saqtap qalǵan dárigerdiń esimi Qazaqstannyń medıınalyq qaýymdastyǵyna ǵana belgili emes, Ómirbek Kákimuly oblystyq jáne qalalyq Halyq keńesiniń depýtaty bolyp saılandy, Kókshetaý qalasynyń Qurmetti azamaty ataǵyna ıe boldy.
Eskertkish taqtany ashý qurmetine Ómirbek Kákimulynyń áriptesi jáne shákirti, belgili onkolog, ǵylym doktory Abaı Maqyshev ıe boldy.
Oblystyq ardagerler keńesiniń tóraǵasy Ermek Nuǵymanov óz sózinde Ómirbek Báıkenovtyń eńbegine toqtaldy. Onyń aıtýynsha, Ómirbek Kákimulynyń arqasynda 1963 jyly oblystyq aýrýhananyń janynan onkopolıklınıka, alǵashqy radıoızotoptyq zerthana, al oblystyń barlyq aýdandyq aýrýhanalarynda onkologııalyq kabınetter ashylǵan. Sonymen birge, jıynda medıına ǵylymdarynyń doktory, professor Serik Aıaǵanov, ǵylym doktory, «Astana medıına ýnıversıteti» onkologııa kafedrasynyń meńgerýshisi Abaı Maqyshev, Aqmola kópsalaly oblystyq aýrýhanasynyń dırektory Nurlan Jarov jáne Ómirbek Báıkenovtyń basqa da oqýshylary men áriptesteri ol týraly estelikterimen bólisti.
«Ómekeńniń dúnıeden ótkenine bıyl toǵyz boldy. Búgin ony esimi men eńbegi áriptesteriniń, naýqastarynyń janynda máńgi saqtalǵanyna kózim jetip, qýanyp otyrmyn. Bul dıspanserdiń qurylysynda meniń jubaıymnyń eńbegi zor dep bilemin. Ǵımarattyń qabyrǵasyna ornatylyp otyrǵan memorıaldyq taqta onyń rııasyz qyzmetin eske túsiredi, – dedi Ómirbek Kákimulynyń jesiri Raýza Báıkenova.
Semınardyń praktıkalyq bóliminde adam ómiri úshin kúresý boıynsha sheberlik synyptary ótkizildi.
«Kókshetaýǵa ekinshi ret kelip otyrmyn, naýqasqa búırek isiginiń rezekııasyn az ınvazıvti ádispen júrgizemin. Hırýrgııalyq aralasýdyń maqsaty-úlken isikti alyp tastaý arqyly naýqastyń búıregin saqtap qalý. Mundaı otalardy biz ózimizde ınstıtýtta jasaımyz, buryn olar tek jolaqty túrde jasaldy, al búgin kishkene pýnkııa arqyly. Bul ádis tez qalpyna kelýge kepildik beredi, otadan keıin naýqas kelesi kúni turyp, ózdiginen qozǵala alady, al ýaqyt óte kele otadan kishkentaı tyrtyqtar ǵana qalady», – dedi Qazaq onkologııa jáne radıologııa ǴZI onkoýrologııalyq ortalyǵynyń jetekshisi Hýsan Ómirzaqov.
Ol jergilikti onkolog-hırýrgtardyń joǵary deńgeıin atap ótti. Onyń sózinshe, elordalyq dárigerlerdiń maqsaty-Aqmola mamandarynyń daǵdylaryn jetildirý. Aıta keteıik, oblystyq aýrýhananyń hırýrgtary onkologııa jáne radıologııa ǴZI bazasynda únemi biliktiligin arttyrýdan ótedi, al eger kúrdeli jaǵdaılar boıynsha keńes qajet bolsa, ony qashyqtan alady.
«Elordalyq ýnıversıtet respýblıka úshin dárigerlik quramdy daıyndaýda jetekshi oryn alady. Túlekterimizdiń edáýir bóligi Aqmola oblysynda jumys isteıdi. Óńirlik ýnıversıtettermen kelisimsharttar jasaldy, oǵan sáıkes bizdiń mamandar paıentterdi emdeýdi uıymdastyrýǵa kómek kórsetedi jáne sheberlik synyptaryn beredi. Biz emhanalarda jumys isteıtin onkologtarmen jáne terapevttermen dárister ótkizýge nıettimiz, óıtkeni olar onkologııany erte dıagnostıkalaý jáne alǵashqy dıagnoz qoıý úshin qajetti daıyndyqqa ıe bolýy tıis», – dedi Astana medıına ýnıversıtetiniń kafedra meńgerýshisi, medıına ǵylymdarynyń doktory Abaı Maqyshev.
Ol sondaı – aq Kókshetaýda óńeshtiń onkologııalyq aýrýy bar naýqasqa kúrdeli ota jasaý josparlanǵanyn atap ótti. Naýqas shamamen 20 jyl buryn keýde qýysynyń oq jaraqatyn alǵan. Taǵy bir endoskopııalyq otany endokrınolog dáriger, Astana qalasynyń kópsalaly medıınalyq ortalyǵynyń endoskopııa bólimshesiniń meńgerýshisi Alekseı Zelenyı júrgizdi.
«Aýyl halqyna onkologııalyq kómekti damytý máseleleri men perspektıvalary» ǵylymı-praktıkalyq konferenııasyna Qazaqstannyń túkpir-túkpirinen jetekshi dárigerler jınaldy. Konferenııanyń ashylýynda Aqmola oblysy ákiminiń orynbasary Altynaı Ámirenova atap ótkendeı, Ómirbek Kákimulynyń kúsh – jigeriniń arqasynda onkologııalyq qyzmet óńirimizdiń eń damyǵan Densaýlyq saqtaý salalarynyń birine, al onkologııalyq dıspanser-ozyq dıagnostıkalyq jáne emdeý-aldyn alý ortalyǵyna aınaldy.
«Ómirbek Kákimuly ózinen keıingi keleshek onkologııalyq dárigerlerdi tárbıeledi. Aýyldyq jerlerdegi naýqastarǵa erekshe nazar aýdardy, aýdandarǵa jıi baryp, naýqastarǵa keńes berdi. Búgin biz bul jumysty qoljetimdi, zamanaýı jáne joǵary bilikti medıınalyq kómek júıesin damytý aıasynda jalǵastyryp jatyrmyz», - dep atap ótti Altynaı Ámirenova.
Otyrystarda Aqmola dárigerleri elimizdiń jetekshi onkologtarymen kúrdeli klınıkalyq jaǵdaılardy talqylady, onkologııalyq aýrýlardyń aldyn alý salasyndaǵy jetistiktermen, qaterli isik dıagnostıkasynyń zamanaýı ádisterimen, sondaı-aq pallıatıvtik kómek pen paıentterdi ońaltýmen bólisti. Taqyryptyq sekııalarda elimizdiń jetekshi onkolog-dárigerleriniń úzdik tájirıbeleri týraly baıandamalar usynyldy.
«Osy konferenııany josparlaı otyryp, biz óz óńirimizdegi onkologııa problemalaryna mamandardyń nazaryn aýdarýǵa tyrystyq, respýblıkalyq tájirıbeni eskere otyryp, olardy sheshý joldaryn qarastyrý maqsatyn qoıdyq. Munyń bári bizdiń onkolog-dárigerlerdiń biliktiliginiń ósýine, olardyń kásibı daǵdylaryn jetildirýge áser etetini sózsiz», – dedi konferenııada kópsalaly oblystyq aýrýhananyń dırektory Nurlan Jarov.
