Jaqsy aýdanynda kópten kútken «Qamqorlyq» ońaltý ortalyǵynyń ashylýyna daıyndyq jumystary júrgizilip jatyr. Jaqsy aýdandyq aýrýhanasynyń bazasynda salynyp jatqan nysan jaqyn kúnderi tapsyrylmaqshy.
Ońaltý ortalyǵy emhana ǵımaratynyń 1-2 qabatynda ornalasqan, onda Aqmola oblysynyń jeti aýdanynan 1,5-ten 18 jasqa deıingi neıro-ortopedııalyq buzylystary bar balalarǵa joǵary bilikti kómek kórsetiletin bolady.
Ortalyq quramyna dáriger-nevrologtar, reabılıtologtar, logopedter, defektologtar, kásiptik terapevtter, psıhologtar jáne emdik dene shynyqtyrý nusqaýshylary kiretin mamandardyń kópsalaly komandasyn irikteý arqasynda keshendi ońaltýdy qamtamasyz etetin bolady. Olardyń barlyǵy biliktilikti arttyrý kýrstaryn, sheteldik trenıngter men semınarlardy qosa alǵanda, álemdik ádistemeler boıynsha mamandandyrylǵan oqytýdan ótti.
Ortalyqtyń jabdyqtaryna Germanııa, AQSh, Avstrııa, Qazaqstan jáne Reseıdiń jetekshi óndirýshileriniń aldyńǵy qatarly ońaltý jáne fızıoterapııalyq apparattary satyp alynǵan. Ortalyqta zamanaýı tehnologııalar – ońaltýdyń maksımaldy áseri úshin jasalǵan sensorlyq jáne ınteraktıvti bólmeler de qoldanylady.
Joba, eń aldymen, ortalyq júıke júıesi zaqymdanǵan, basqa aýrýlary bar balalardy ońaltýǵa, olardy áleýmettik beıimdeýge jáne erte múgedektiktiń aldyn alýǵa baǵyttalǵan. Bir jyl ishinde ońaltý ortalyǵy 21 kúndik qalpyna keltirý kýrsyn usyna otyryp, 600-ge deıin balany qabyldaı alady. Ortalyqtyń ashylýy «Qamqorlyq qory» qorynyń qoldaýynyń, sondaı-aq Batyrbek Ýálıevtiń basshylyǵymen «AgrofırmaTNK» jergilikti kásipornynyń demeýshiliginiń arqasynda múmkin boldy.
