Aqmola oblysynda sybaılas jemqorlyqqa qarsy is-qımyl boıynsha 6 syrtqy taldaý men 4 antıkorparatıvti monıtorıng júrgizildi. Bul sharalar áleýmettik mańyzdy salalardaǵy jemqorlyq táýekelderin anyqtaýǵa baǵyttalǵan. Bul týraly oblystyq Sybaılas jemqorlyqqa qarsy is-qımyl departamentiniń basshysy Ashat Orazhan brıfıngte málimdedi, dep habarlaıdy Óńirlik kommýnıkaııalar qyzmetinen.
Departament júrgizgen taldaýlar nátıjesinde 56 usynys pen keńes engizilip, memlekettik organdar men jergilikti atqarýshy organdarǵa sybaılas jemqorlyq táýekelderin joıý boıynsha naqty qadamdar jasaldy.
«Bul máseleler ásirese joldardy jóndeý men salý kezinde kezdesip otyr, sonyń ishinde josparlaý, baqylaý jáne kútip ustaý proesterinde. Aqmola oblysynyń ákimdigimen birlesip, bul máselelerdi sheshýge baǵyttalǵan jospar ázirlenip, júzege asyrylýda»,-dedi spıker.
Sonymen qatar, óńirde aýyl sharýashylyǵyna qatysty sybaılas jemqorlyq táýekelderi de taldanyp, 300-den astam fermerdiń quqyqtary qalpyna keltirildi. Bul úshin fermerlerge aýyl sharýashylyǵy mınıstrligi arqyly sýbsıdııalar alý úshin qaıta ótinim berýge múmkindik berildi. Qazir 600 mıllıon teńgeden astam qarjynyń bólinýine jaǵdaı jasalypty.
Ashat Orazhannyń málimetinshe Aqmola oblysyndaǵy bilim salasyndaǵy sybaılas jemqorlyq táýekelderine qarsy áreketter de jalǵastyrylýda.
«Bilim basqarmasy memlekettik tapsyrystar men bıýdjettik ótinimderdi usyný tártibin rettedi, sondaqtan da bul salada sybaılas jemqorlyqtyń aldyn alý boıynsha mańyzdy qadamdar jasaldy. Ári qaraı osy salada baqylaý kúsheıtilip, bıýdjet qarajatynyń durys jumsalýyna kepildik beriledi»,-dedi ol.
Departament bıylǵy jyly «Bızneske jol» jobasyn júzege asyrýda da belsendi jumys atqardy. Bul jobanyń negizgi maqsaty — kásipkerlerdiń quqyqtaryn qorǵaý jáne olardyń bıznes júrgizýine kedergi keltiretin ákimshilik kedergilerdi joıý. Bıylǵy jyly 616 kásipkerdiń quqyqtary qorǵalyp, 8 laýazymdy tulǵa jaýapkershilikke tartyldy.
Sonymen qatar, departament memlekettik satyp alýlarda da muqııat baqylaý júrgizip, qazyna qarajatynyń tıimsiz jumsalýyn aldyn alýda. 2024 jyly memlekettik satyp alý barysynda 1,2 mıllıard teńge únemdeldi.
Quqyqtyq nasıhat jumystary da sybaılas jemqorlyqpen kúresýdiń mańyzdy baǵyttarynyń biri bolyp tabylady. Aqmola oblysynda osy maqsatta jyl boıy «Mobıldi antıkorrýpııalyq top» jobasy júzege asyryldy.
Budan bólek, sybaılas jemqorlyqpen kúreske baǵyttalǵan qoǵamdyq monıtorıngti damytý úshin departament «Antıkorrýpııalyq volonter» jobasyn qolǵa aldy. Volonterler oblystaǵy kóptegen memlekettik baǵdarlamalar men jobalardyń iske asyrylýyn baqylap, 619,4 mıllıon teńge únemdeýge kómektesti. Sonymen qatar, 877 azamatqa zań kómegi kórsetildi.
Sybaılas jemqorlyqqa qarsy jumys aldaǵy ýaqytta da jalǵasa bermek. Jemqorlyqtyń aldyn alý jáne ony joıý maqsatynda barlyq memlekettik organdar men qoǵam belsendileri birigip, Qazaqstannyń ál-aýqaty men áleýmettik ádilettiligin arttyrý jolynda jumys isteıdi. Osy baǵytta qabyldanyp jatqan sharalar azamattardyń memleketke degen senimin kúsheıtip, elimizdiń ekonomıkalyq turaqtylyǵyn nyǵaıtýǵa baǵyttalǵan.
