1 qarasha kúni Úkili Ybyraı atyndaǵy Aqmola oblystyq fılarmonııasynda «Qurmet» ordeni men «Eren eńbegi úshin» medaliniń ıegeri Turlyhoja Bazarovtyń 75 jyldyǵyna arnalǵan «Kúmbirletken keýdemdi kúı erkesi» atty shyǵarmashylyq keshi ótti.
Turlyhoja Bazarov K.Kúmisbekov atyndaǵy qazaq halyq aspaptar orkestriniń irgetasyn qalaýshylardyń biri jáne shyǵarmashylyq jolyn osy orkestrmen túbegeıli baılanystyryp, orkestrdiń ósip, órkendeýi jolynda bas dırejer retinde bel sheshpeı jumys istedi.
Búgin bar ómirin óner jolyna arnaǵan birtýar tulǵanyń shyǵarmashylyq keshinde shákirtteri men bir sahnada júrgen áriptesteri: “Qazaqstannyń eńbek sińirgen ártisteri” Sholpan Dúkimbaeva, Bısara Makenova, “Mádenıet qaıratkerleri” Janat Esov, Tolǵanbaı Sembaev, Gúljan Ahmetova, “Mádenıet salasynyń úzdigi” Valerııa Bolıeva, halyqaralyq jáne respýblıkalyq baıqaýlardyń laýreattary “Gákký” halyqtyq bı ansambli, jetekshisi “Mádenıet salasynyń úzdigi” Gýlmıra Ordabaeva, Aıagóz Qalmaǵanbetova, Serikbolsyn Bekmoldın, Abzal Es, Rınat Nurmuhan, Qonys Júkenov, Ásel Toqsanova jáne K.Kúmisbekov atyndaǵy qazaq halyq aspaptar orkestri, dırıjerlary Rýslan Qoıshybaev pen Janat Rashıt.
Sondaı-aq, Turlyhoja Bazarovtyń uly Erbol Bazarov ksılofonda oınap, týysqan qaryndasy Gúlden Álmenova bir sahna tórinde turyp, mereıtoı ıesimen birge óner kórsetti.
Kórermender tamyljyǵan án men kúmbirlegen kúıden turǵan tamasha keshtiń kýási boldy.
