Qazaqstannyń mádenıet jáne aqparat mınıstrligi oblystaǵy mádenıet nysandarynyń qurylysyn jedeldetip, shyǵarmashylyq ındýstrııaǵa qoldaý kórsetý úshin jańa qorlar men zańdar qabyldady. Sonymen qatar, aqparattyq saladaǵy reformalar jýrnalısterdiń kásibı turǵydan damýyna baǵyttalǵan. Bul týraly Qazaqstan Respýblıkasynyń Mádenıet jáne aqparat vıe-mınıstri Evgenıı Kochetov jýrnalıstermen ótken brıfıngte málimdedi, dep habarlaıdy Óńirlik kommýnıkaııalar qyzmetinen.
Mınıstrliktiń negizgi baǵyttarynyń biri — mádenıet salasyn damytý, onyń ishinde mádenıet nysandarynyń qurylysymen jáne qaıta jóndeýmen baılanysty máseleler. Vıe mınıstr osy salada atqarylǵan jumys jaıynda baıandady.
«2023 jyly mádenıet salasynda 44 jańa nysan boı kóterip, 260 nysan kúrdeli jóndeýden ótken. Bul jumystardyń nátıjesinde 2024 jyldyń sońyna deıin 45 jańa mádenıet nysany salynyp, 255 nysan kúrdeli jóndeýden ótedi dep josparlanyp otyr. Aqmola oblysynda mádenıet nysandarynyń qurylysy «Aýyl — El besigi» baǵdarlamasy aıasynda júzege asyrylýda. Mysaly, 9 jańa mádenıet nysany salyndy, 3 nysan rekonstrýkııadan ótti, 85 nysan jóndeý jumystaryna ushyrady. Aldaǵy ýaqytta Býrabaı aýdanynda jańa mádenıet nysany ashylmaq, al elınograd aýdanynda da osyndaı jumystar bastalady», — dedi Evgenıı Kochetov.
Mınıstrlik, sondaı-aq shyǵarmashylyq adamdardy qoldaý baǵytynda túrli syılyqtar men marapattar uıymdastyrady. Kelesi aptada ulttyq ádebıet syılyǵy, «Rýhanı qazyna» festıvali men «Umaı» teatraldyq óner syılyǵy tabystalady.
Vıe-mınstr sondaı aq Qazaqstandaǵy kıno ındýstrııa jańalyqtarymen de bólisti. Onyń aıtýynsha, Senatta otandyq fılmderdi qarjylandyrýǵa arnalǵan arnaıy zań jobasy talqylanýda. Bul ózgerister Qazaqstannyń mádenıet salasyn damytýǵa baǵyttalǵan jańa qarjylandyrý mehanızmderin engizýge múmkindik beredi. Aqmola oblysynda da kıno salasyna qatysty jańa tásilder engizilip, memlekettik qoldaý kórsetý baǵytynda konkýrstyq rásimder men qarjylandyrý sharttary qaıta qaraldy.
Sonymen qatar eldegi aqyn jazýshylarǵa jasalyp jatqan qoldaý jaıy da sóz boldy.
«Ádebıet barlyq ónerdiń tóresi sanalady. Sondyqtan da otandyq aqyndar men jazýshylardy qoldaý memlekettik saıasattyń basty baǵyttarynyń biri bolyp qala beredi. Sońǵy jyldary memleket jańa týyndylar shyǵarýǵa, ásirese jas talanttardy qoldaýǵa erekshe nazar aýdarýda. Jańa shyǵarmalardyń basylyp shyǵýy, sondaı-aq mádenı murany saqtaý úshin burynǵy shyǵarmalar qaıta basylyp, jastar arasynda ádebıetke degen qyzyǵýshylyqty arttyrý jumystary jalǵasýda», — dep tolyqtyrdy vıe-mınıstr.
Vıe-mınıstrdiń aıtýynsha, Qazaqstanda kreatıvti ındýstrııany damytýǵa erekshe kóńil bólinýde. Memleket basshysynyń tapsyrmasyna sáıkes, kreatıvti kásipkerlerge qoldaý kórsetý úshin arnaıy qor qurylyp, zań jobasy ázirlenýde. Kreatıvti habtar qurý arqyly halyqtyń shyǵarmashylyq áleýetin damytý maqsatynda respýblıkada 10 hup ashyldy, al 2024 jyly Aqmola oblysynyń Kokshetaý qalasynda jańa kreatıvti hup ashý josparlanýda. Bul jobalar adamdarǵa óz qolymen jasaǵan dúnıelerin tabys kózine aınaldyrýǵa múmkindik beredi. Kreatıvti ındýstrııaǵa memleket tarapynan qoldaý kórsetý úshin ulttyq lotoreıa operatorynyń qarajatynyń úsh paıyzy bólinedi.
2023 jyly jýrnalıster úshin mańyzdy zańnamalyq ózgerister boldy. Jýrnalıstıka salasyndaǵy kásibı standarttardy nyǵaıtý úshin «Masmedıa týraly» zań qabyldanyp, jýrnalısterdiń akkredıtaııasy týraly jańa erejeler engizildi. Onlaın jarnama jáne platformalar boıynsha da jańa zańdar kúshine endi.
«Endi blogerler jarnamalardy mindetti túrde belgilep, ózderiniń jarııalanymdaryna jaýapty bolýǵa tıis. Bul zańnamalyq sharalar blogerler men onlaın jarnama naryǵyn retteýge baǵyttalǵan jáne memlekettiń osy saladaǵy kiristerin arttyrýǵa múmkindik beredi», — dep túıindedi vıe-mınıstr.
Búgingi kúni Qazaqstanda kóptegen qaıyrymdylyq uıymdary jumys isteıdi, alaıda bul salada da keıbir zańsyzdyqtar men máseleler týyndap otyr. Vıe-mınstrdiń aıtýynsha, Mınıstrlik bul máselege nazar aýdaryp, qaıyrymdylyq uıymdaryna qatysty zań jobasyn ázirleýdi bastaǵan. Qazir osy salada jańa konepııa daıyn, aldaǵy ýaqytta tıisti zańnamalyq sharalar qabyldanady.
Mádenıet jáne aqparat mınıstrligi aldaǵy ýaqytta da mádenıetti damytý, shyǵarmashylyq salalardy qoldaý jáne aqparattyq qaýipsizdikti qamtamasyz etý baǵytynda kóptegen mańyzdy sharalardy júzege asyrýdy josparlap otyr.
