جاقسى اۋدانىندا كوپتەن كۇتكەن «قامقورلىق» وڭالتۋ ورتالىعىنىڭ اشىلۋىنا دايىندىق جۇمىستارى جۇرگىزىلىپ جاتىر. جاقسى اۋداندىق اۋرۋحاناسىنىڭ بازاسىندا سالىنىپ جاتقان نىسان جاقىن كۇندەرى تاپسىرىلماقشى.
وڭالتۋ ورتالىعى ەمحانا عيماراتىنىڭ 1-2 قاباتىندا ورنالاسقان، وندا اقمولا وبلىسىنىڭ جەتى اۋدانىنان 1,5-تەن 18 جاسقا دەيىنگى نەيرو-ورتوپەديالىق بۇزىلىستارى بار بالالارعا جوعارى بىلىكتى كومەك كورسەتىلەتىن بولادى.
ورتالىق قۇرامىنا دارىگەر-نەۆرولوگتار، رەابيليتولوگتار، لوگوپەدتەر، دەفەكتولوگتار، كاسىپتىك تەراپەۆتتەر، پسيحولوگتار جانە ەمدىك دەنە شىنىقتىرۋ نۇسقاۋشىلارى كىرەتىن مامانداردىڭ كوپسالالى كومانداسىن ىرىكتەۋ ارقاسىندا كەشەندى وڭالتۋدى قامتاماسىز ەتەتىن بولادى. ولاردىڭ بارلىعى بىلىكتىلىكتى ارتتىرۋ كۋرستارىن، شەتەلدىك ترەنينگتەر مەن سەمينارلاردى قوسا العاندا، الەمدىك ادىستەمەلەر بويىنشا مامانداندىرىلعان وقىتۋدان ءوتتى.
ورتالىقتىڭ جابدىقتارىنا گەرمانيا، اقش، اۆستريا، قازاقستان جانە رەسەيدىڭ جەتەكشى وندىرۋشىلەرىنىڭ الدىڭعى قاتارلى وڭالتۋ جانە فيزيوتەراپيالىق اپپاراتتارى ساتىپ الىنعان. ورتالىقتا زاماناۋي تەحنولوگيالار – وڭالتۋدىڭ ماكسيمالدى اسەرى ءۇشىن جاسالعان سەنسورلىق جانە ينتەراكتيۆتى بولمەلەر دە قولدانىلادى.
جوبا، ەڭ الدىمەن، ورتالىق جۇيكە جۇيەسى زاقىمدانعان، باسقا اۋرۋلارى بار بالالاردى وڭالتۋعا، ولاردى الەۋمەتتىك بەيىمدەۋگە جانە ەرتە مۇگەدەكتىكتىڭ الدىن الۋعا باعىتتالعان. ءبىر جىل ىشىندە وڭالتۋ ورتالىعى 21 كۇندىك قالپىنا كەلتىرۋ كۋرسىن ۇسىنا وتىرىپ، 600-گە دەيىن بالانى قابىلداي الادى. ورتالىقتىڭ اشىلۋى «قامقورلىق قورى» قورىنىڭ قولداۋىنىڭ، سونداي-اق باتىربەك ۋاليەۆتىڭ باسشىلىعىمەن «اگروفيرماتنك» جەرگىلىكتى كاسىپورنىنىڭ دەمەۋشىلىگىنىڭ ارقاسىندا مۇمكىن بولدى.
