Qazaqstan Respýblıkasy Ulttyq ekonomıka mınıstrligi Tabıǵı monopolııalardy retteý komıtetiniń Aqmola oblysy boıynsha departamenti tabıǵı monopolııalar salasyndaǵy tıimdi retteýdi qamtamasyz etip, ekonomıkanyń monopolııalyq sektorynda ashyqtyq pen turaqtylyqty arttyrýǵa baǵyttalǵan sharalar qabyldaýda. Bul týraly oblystaǵy departament basshysy Asylbek Qýandyquly brıfıngte málimdedi, dep habarlaıdy Óńirlik kommýnıkaııalar qyzmetinen.
Departamenttiń basty mindeti — halyqtyń múddesin qorǵaý, tarıf saıasatyn turaqtandyrý, energııa men resýrstardy únemdeýdi nasıhattaý, sondaı-aq ınvestıııalyq tartymdylyqty arttyrý bolyp tabylady. Memleket basshysynyń tapsyrmalaryna sáıkes, Tabıǵı monopolııalar týraly zańǵa engizilgen ózgerister ashyqtyqty arttyryp, tutynýshylardyń qarajatyn maqsatty paıdalanýǵa baqylaýdy kúsheıtýge múmkindik berdi.
Aqmola oblysynda 71 tabıǵı monopolııalar sýbektisi qyzmet kórsetedi, olar 165 retteletin qyzmet túrin usynady. Bul qyzmetterge jylýmen qamtamasyz etý , elektr energııasyn berý jáne taratý, sýmen qamtamasyz etý jáne sýdy burý , podezd joldary , gazdy tasymaldaý, sý aǵyndaryn retteıtin gıdrotehnıkalyq qurylǵylar , sondaı-aq qoǵamdyq mańyzdy naryqtaǵy 9 sýbekt kiredi.
Tabıǵı monopolııalar týraly Zańǵa sáıkes, departament tabıǵı monopolııalar sýbektileriniń jyldyq tarıftik smetalardyń oryndalýyn baqylap, esepterdi tekserip otyrady. Máselen, ótken jyly tabıǵı monopolııalar sýbektileriniń oryndalmaǵan tarıftik smetalary 1,6 mıllıard teńgeni quraǵan, al bıylǵy jyly bul kórsetkish 1,86 mıllıard teńgege jetti. Bul qarjy tutynýshylarǵa ýaqytsha kompensatorlyq tarıfter arqyly qaıtaryldy.
Investıııalyq baǵdarlamalar aıasynda 2024 jyly Aqmola oblysynda ınfraqurylymnyń tozý deńgeıi joǵary. Osyǵan oraı, «Investıııaǵa aıyrbas tarıfi» baǵdarlamasy aıasynda 5,1 mlrd teńgege ınvestıııalar engizildi. Kelesi jyly 2 620 km ınfraqurylym jańartylyp, 15,4 mlrd teńge jumsalady
Jalaqynyń ósýi de nazar aýdararlyq másele ekenin aıtty departament basshysy.
«2024 jyly jylý, sý jáne elektr energııasy salalarynda qyzmetkerlerdiń jalaqysy 47%-dan 116%-ǵa deıin artty. Áleýmettik normalar engizilip, turǵyndar úshin jylý, sý jáne káriz qyzmetteri boıynsha tólemderge jeńildikter usynyldy, bul energııa men resýrstardy únemdeýdi yntalandyrý maqsatynda júzege asyrylýda»,- deıdi Asylbek Qýandyquly.
Jalpy Aqmola oblysynda tabıǵı monopolııalar salasyndaǵy tıimdi reformalar tutynýshylarǵa sapaly qyzmet kórsetý, ınfraqurylymdy jańǵyrtý jáne áleýmettik jaǵdaıdy jaqsartý úshin jasalýda.
