Turarbek Qusaıynuly ózin Qazaqstan musylmandary dinı basqarmasynyń tóraǵalyǵyna úmitker retinde usyndy, dep habarlaıdy "Adyrna" ulttyq portaly.
Buǵan deıin áleýmettik jelide ózin «ımam» dep tanystyrǵan bolatyn. Keıinnen Atyraý oblystyq «Imanǵalı» ortalyq meshitiniń resmı saıtynda málimdeme paıda boldy. Atyraý meshitterinde ımam retinde qyzmet atqarmaǵandyǵy anyqtaldy.
Turarbek Qusaıynuly ózin Bas múftı laýazymyna usynyp, málimdeme jasady.
"Men, Turarbek Qusaıynuly Qazaqstan musylmandary dinı basqarmasynyń tóraǵasy ári Bas múftı laýazymyna ózimdi úmitker retinde usynamyn.
Sizderdi Qazaqstan musylmandarynyń aldaǵy quryltaıynda meniń kandıdatýramdy qoldap, maǵan daýys beredi dep senemin.
Qazirgi Bas múftı Naýryzbaı Ótpenovtyń tusynda Qazaqstan musylmandary dinı basqarmasy jáne onyń qurylymdyq júıesi buryn-sońdy bolmaǵan toqyraýǵa ushyrady. Imamdar tarapynan qazaq qoǵamynda arazdyq pen alaýyzdyq týdyratyn, áıel men bala jáne adam quqyǵyn taptaıtyn málimdemeler jasaldy, pátýalar shyǵaryldy.
Munyń bári tez arada múftııattan bastap, bútkil QMDB júıesin túbegeıli reformalaý qajettigin kórsetip otyr. Atap aıtqanda bas múftı N..Ótpenov pen múftııat QMDB-ǵa reforma jasaýǵa qulyqty emes. Mundaı keleli sharýany halyqtyń qoldaýymen, demokratııalyq ádispen saılanǵan jańa basshy ǵana júzege asyra alady.
Eger men aldaǵy ótetin quryltaıda bas múftı bolsam, QMDB-da tómendegideı ózgeris jasaımyn:
1. Múftııat apparatyn 80 paıyzǵa, QMDB meshitterindegi din qyzmetkerleri sanyn 50 paıyzǵa qysqartam. Imamdyqtan qysqartylǵan adamdardy dánekerleýshi, qurylysshy, IT maman sııaqty jańa kásip úırenetin ortalyqtarǵa baǵyttaımyn.
«Din memleketten bólingen» degen konstıtýııalyq tezısti is júzinde júzege asyryp, QMDB-ny qoǵamdyq uıym retinde demokratııalyq lıberal keıipke keltirem.
2. Men bas múftı bolsam, meshit ımamdary neke qııý, janaza shyǵarý, at qoıý, sadaqa as sekildi jıyndarda Quran aıattaryn oqý sekildi ispen shuǵyldanbaıdy. Mundaı rásimderdi ótkizý kópti kórgen, ulttyq salt dástúrimizdi biletin jergilikti aqsaqaldarǵa beriledi.
Al ımamdar tek meshitte ǵana otyryp din fılosofııasy men dinniń adamı qundylyqtaryn nasıhattaý arqyly mıssıonerlik týraly zań aıasynan shyqpaýy tıis. Imamdardyń «quranmen emdeý» sekildi gıpnozdyq psıhologııalyq ádis-tásiline de tyıym salynady.
Halyq zamanaýı medıınaǵa júginsin.
3. Meshit ımamyn jergilikti belsendi aqsaqaldar dúıim musylman jamaǵatpen kelise otyryp ózderi saılap alady.
Saılanǵan ımamdy bas múftı buıyrǵymen «taǵaıyndaldy» dep qana rásimdep beredi. Árbir meshit múftııattan táýelsiz áreket etedi, bas múftı men múftııattyń ókilettiligi jumysty úılestirý ǵana, ókilettik osy shekten aspaýy tıis.
4. QMDB jarǵysyndaǵy «meshit túsimniń 30 paıyzyn múftııatqa berýi tıis» degen mindet joıylady.
Meshitterge túsken zeket, pitir-sadaqa jáne basqa da túsim, meshitterge qoıylǵan qaıyrymdylyq jáshigi men kapıgold kartasy arqyly jergilikti aqsaqaldardyń tikeleı qadaǵalaýynda bolady, jamaǵat jınalǵan qarjyny meshit qajetine keńesip jumsaıdy.
Imam ózine berilgen jalaqyny mise tutyp, sharýashylq isterge aralaspaýy tıis.
5. Meshitqa pitir-sadaqa berýdi jáne ony barlyq musylmandarǵa mindetteýdi toqtatam. Meshitte pitir-sadaqa berý sol dinı ǵımarattyń jylýy men jaryǵyn, ystyq-sýyq sýyn paıdalanyp júrgen namazhan jamaǵat qana tólesin.
Sebebi, pitir degen zaıyrly memleket zańynda tabys salyǵy dep atalady.
Mundaı salyqty qazaqstandyqtar memleketke tólep otyr. Zeket te ortaǵasyrdaǵy múlik salyǵynyń bir túri. Sondyqtan qazaqstandyqtar múlik salyǵyn tek memleketke ǵana tóleýi tıis. Ashyǵyn aıtqanda musylman jamaǵatynyń meshitke pitir men zeket tóleýi Quranda mindettelmegen.
Búıte bersek, onsyz da kedeıshilikten kúızeliske ushyraǵan halqymyzǵa psıhologııalyq jáne qarjy aýyrtpalyǵyn salýdy taǵy da kúsheıtemiz.
Mundaı aýyrtpalyqty halqymyz kótere almaıdy.
Sol úshin QMDB júıesindegi «Zeket» sııaqty halyqtan aqsha jınaıtyn kóptegen qorlardy jabamyn. Zeket, pitir-sadaqa jónindegi pátýalardyń kúshin joıamyn.
6. Toǵyz mıllıonǵa jýyq qazaqstandyq ártúrli nesıeniń qamytyn kıip otyr. Bul soma birneshe trıllıondy quraıdy. Nesıe qamytynyń aýyrtpalyǵy musylmanddardyń bala-shaǵa men týǵan-týysynyń da áleýmettik jaǵdaıyn qıyndatyp jiberdi. Kedeı-kepshiktiń sany tym kóbeıip ketti. Sondyqtan 5 jylǵa ýmra jáne úlken qajylyqqa moratorıı jarııalaımyn.
Imamdar kerisinshe «Saýdııa sekildi teokratııalyq arab eline baryp aqsha shashqansha, sol qarjy elde qalsyn, ony kedeı-kepshikke kómek retinde berińder» dep nasıhat júrgizýi tıis.
QURMETTI QAZAQ ELI!
QURMETTI QAZAQSTAN MUSYLMANDARY!!!
Eger meniń kandıdatýramdy qoldap, Sizderdiń qalaýyńyzben bas múftı bolyp saılansam, elimiz úshin joǵaryda aıtylǵan tezısten basqa da paıdaly reforma jasaımyn.
Halyq taıly-tuıaǵymen dinge qyzmet etpeýi kerek. Qaıta din halyqtyń ıgiligin, ósip-órkendep damýy men baı-baqýat ómir súrýine motıvaııalyq quraly bolýy tıis.
Ol úshin QMDB-ny ortaǵasyrlyq dogmalyq kertarpa ilimnen aryltyp zamanaýı baǵytqa burý qajet. QMDB - qoǵamdyq uıym. Sondyqtan men múftııattaǵy dıktatýralyq, avtokratııalyq basqarý tásilin, bas múftıge kózsiz tabynýdy túbirimen joıamyn, QMDB-ny o bastaǵy demokratııalyq jarǵysyna sáıkestendirem.
Maǵan senim artyńyzdar! Qazaqty qarańǵylyqtan shyǵaryp, jarqyn bolashaqqa bastaıtyn osy keleli iste meniń qoldańyzdar!" - dep jazylǵan ımamnyń úndeýinde.
