Ázerbaıjannyń Shýsha qalasynda Túrki memleketteri uıymy múftıler keńesiniń erejesi bekitildi. Bul týraly Qazaqstan musylmandary dinı basqarmasynyń baspasóz qyzmeti jarııalady, dep habarlaıdy “Adyrna” ulttyq portaly.
Keńes aıasynda birlesken deklaraııa qabyldandy. Jıynda QMDB tóraǵasy, bas múftı Naýryzbaı qajy Taǵanuly Shýshadaǵy tarıhı basqosýdyń mańyzyna toqtaldy.
“Búgin ózderińizben birge Túrki memleketteri uıymyna múshe elderdiń musylmandar basqarmalarynyń basshylary osy qalada erejeni bekitip, qol qoıyldy. Endi Túrki memleketteri múftıleri osy ereje aıasynda birigip, jumys isteıdi... Búgingi Ázerbaıjan jerindegi úshinshi otyrysta keńestiń erejesi tolyq bekitildi. Ereje aıasynda aldaǵy ýaqytta birqatar iri joba, dinı teris aǵymmen kúres, tarıhı qundylyqtardy túgendeý, ǵulamalar keńesiniń jıynyn ótkizý, babalar jolyn jańǵyrtý jumystary kútip tur. Sondyqtan keńes jumysyna tabys tileımin”, - dedi bas múftı.
Otyrysta Túrki memleketteri uıymy múftıler keńesiniń erejesi bekitilip, din basshylary qujatqa qol qoıdy.
