QR Ishki ister mınıstrligi Ulttyq ulan bas qolbasshysynyń orynbasary Konstantın Voronkınniń ustalǵanyn rastady, dep habarlaıdy "Adyrna" ulttyq portaly.
"Ishki ister mınıstrligi Ulttyq ulan Bas qolbasshysy orynbasarynyń zańsyz áreket jasady degen kúdikpen ustalǵanyn rastaıdy. Qazirgi ýaqytta quzyrly organdar Ishki ister mınıstrligimen birlese tergeý amaldaryn júrgizip jatyr. Mınıstrlik óz qataryndaǵy sybaılas jemqorlyqtyń kez kelgen kórinisterine tózbeýshilik týraly óziniń prınıpti ustanymyn bildiredi. Osyǵan baılanysty qoldanystaǵy zańnama sheńberinde obektıvti jáne jan-jaqty tergeý júrgiziledi", – delingen habarlamada.
Ulttyq ulannyń saıtynda, Konstantın Voronkınniń Ulttyq ulan bas qolbasshysynyń tehnıka men qarý-jaraq jónindegi orynbasary ekeni jazylǵan. Ol bul qyzmetke 2020 jyldyń 24 qarashasynda taǵaıyndalǵan. Ol Shymkent qalasynda týǵan, 53 jasta.
Ózbek Soıalıstik Keńestik Respýblıkasy Joǵarǵy Keńesi atyndaǵy Samarqand joǵary áskerı avtokólik komandalyq ýchılıesin, Qazaqstan Respýblıkasynyń Tuńǵysh Prezıdenti – Elbasy atyndaǵy Ulttyq qorǵanys ýnıversıtetin, Reseı Federaııasy Qarýly Kúshteri Bas shtaby Akademııasynyń joǵary akademııalyq kýrstaryn aıaqtaǵan.
2020 jyldyń 24 qarashasynan bastap Ulttyq ulan Bas qolbasshysynyń tehnıka jáne qarý-jaraq jónindegi orynbasary qyzmetin atqaryp kelgen.
Aıta keteıik, buǵan deıin Almaty oblysy Ile aýdanynyń ákimi Baǵdat Qarasaevtyń ustalǵany habarlanǵan edi. Almaty oblystyq prokýratýranyń habarlaýynsha, Ile aýdanyndaǵy qoqys polıgonyn tekserý kezinde ákim sybaılas jemqorlyqqa qatysy bar degen kúdikke ilingen.
