Ulttyq ulannyń Taraz qalasyndaǵy 5513 áskerı bóliminiń atys alańynda Qúreń beretke úmitkerlerdiń biliktilik synaǵy ótti. Oǵan elimizdiń ár aımaǵynan arnaıy maqsattaǵy bólimshelerdiń áskerı qyzmetshileri qatysty.
Mundaı synaq túri jyl saıyn elimizdiń ár aımaǵynda ótkiziledi. Negizgi basty maqsaty - ekstermızm jáne lańkestiktiń jolyn kesý, qoǵam men azamattardyń qaýipsizdigin qamtamasyz etý mindetin oryndaıtyn «B» arnaıy jasaǵy músheleriniń daıyndyǵyn shyńdaý. Jalpy jasaqtar quramynda barlyq talapqa saı keletin sardarlar men kelisim-shart boıynsha áskerı qyzmetshiler qyzmet etýde.
Bıylǵy osy dástúrli dodaǵa 300-ge jýyq nıet bildirýshiniń arasynan iriktelgen 80-nen astam úmitker qorytyndy synaqqa qatysty. Olar alǵashqy kezeńde teorııalyq testileýden ótip, dene shynyqtyrý, bıiktiktegi daıyndyq, arnaıy qurylǵylarmen tómen túsý, baılanys jáne medıınalyq daıyndyq boıynsha synaq tapsyrdy. Osy aralyqta tómen kórsetkish kórsetken qatysýshylar ekinshi kezeńge óte almady. Joly bolyp sheshýshi kezeńge nebári 44 úmitker jiberildi.
Sheshýshi kezeńniń birinshi kúni synaqqa qatysýshylar tańǵy saǵat 5:00-de dabyl arqyly kóterildi. Sol kúıi 5 shaqyrymǵa júgirý boıynsha synaq tapsyrdy. Odan soń uzaq ta kúrdeli joryqqa attandy. Jolda olar qarsylastyń shabýylyn toıtarý, jaralanǵan qarýlasynyń jarasyn tanyp, qaýipsiz aımaqqa súırep ótý, órt shyqqan aımaqtan tynys alýǵa arnalǵan bas kıimmen júgirý sekildi tapsyrmalardy oryndady. Jolaı ábden sharshaǵan jaýyngerler baýyrymen jorǵalap, jatqan kúıi tasalanýǵa arnalǵan or qazdy jáne etigimen sý keshti. Tań atpastan aıaqqa turǵan úmitkerler jele jortqan kúıi keshke deıin damyl tappady.
Synaq kezinde jaýyngerlerge fızıkalyq jáne psıhologııalyq soqqy jasaldy. Olar soǵan qaramastan kezikken qıyndyqtardy jeńip, márege jetý úshin erik-jigerin aıanǵan joq.
Osynaý bir aptadan beri arnaıy jasaq jaýyngerleri oryndap jatqan tapsyrmalar legi aıaqtaldy. Synaqtyń qorytyndy kúni olar 10 shaqyrym júgirip, oq dári salynǵan qobdıshalardy súıreýden normatıv tapsyrdy. Selkildek kópir ústinen ótip, temir baǵannan tómenge syrǵanady.
Qıǵash qoıylǵan aǵashtardyń birinen eńkeıip, birin attap, shynjyr baılanǵan dóńgelekter qabyrǵasyna órmelep shyqty. Aspaly temirlerdi de artta qaldyrdy. Sý basseıinine sekirip, bıik tas qabyrǵany birlese eńserdi.
Osy ýaqyt aralyǵynda jan-jaqtaryn órt torlap, aldarynan pýlemet saqyldap turdy. Al ózge de kedergilerdiń mańyna taıaǵan kezde jarylys bolyp jatty. Olar burqyraı atylǵan pýlemet oǵynynyń astynan jorǵalap baryp, qaýipsiz núktede asynyp júrgen qarýynan oq atty. Úmitkerlerge bir oq jáne bir ǵana múmkindik berildi. Qum tıip, sý shashylǵan qarýdan oq atylmaı qalsa jaýynger synaqty osy jerde aıaqtar edi. Baby men baǵy qatar shaýyp, aýyr synnan súrinbeı ótkender aqtyq synaq – qoıan-qoltyq tóbeleske shyqty. Úsh raýndtan turatyn jekpe-jektiń sońǵy bóliminde rıngtegi jigitter tyń turǵan kúreń beret ıegerlerimen kúsh synasty. Abyroı bolǵanda, buǵan deıin sapta bolǵan 15 úmitkerdiń bári de 9 mınýt boıy soqqylarǵa tótep berdi. Áli ketip, kúshi sarqylǵandardyń ózi temirdeı tózimdilik tanytty. Osylaısha, olardyń bári de kúreń beret ıegerleri atandy.
Synaqtan súrinbeı ótkenderge saltanatty jaǵdaıda qasterli kúreń beret tabystaldy. Is-sharaǵa Jambyl oblysynyń ákimi Erbol Qarashókeev arnaıy keldi. Qurmetti qonaqtardyń arasynda Ulttyq ulan áskerimen tyǵyz baılanystaǵy ózge de áskerı kúsh qurylymdardyń basshylary boldy.
- «Kúreń beret» bas kıimin kııý ári «Búrkit» keýde belgisin taǵý quqyǵyna ıe bolý janqııarlyq erlik pen batyldyqty talap etedi. Dese de mundaı synaqqa quryshtaı shynyqqan áskerler ǵana baratyny anyq. Kúreń beretti kııý mártebesine arnalǵan biliktilik synaǵynan ótý – jaýyngerlik rýhtyń belgisi. Bul shara jastardy Otanǵa degen adaldyq pen rııasyz mahabbatqa tárbıeleýge baǵyttalady, - dedi Jambyl oblysynyń ákimi.
Oblys basshysynyń sózinen keıin synaqtan súrinbeı ótken jaýyngerlerge Ulttyq ulan Bas qolbasshysynyń orynbasary general-maıor Baýyrjan Ábjanov «Kúreń beret» bas kıimin tabystady. Sondaı-aq, ol dittegen maqsatyna qol jetkizgen jaýyngerlerdi Ishki ister mınıstri polıııa general-leıtenanty Sadenov Erjan Saparbekuly men Ishki ister mınıstriniń orynbasary - Ulttyq ulannyń Bas qolbasshysy general-maıor Baltabekov Ańsaǵan Skenderulynyń atynan quttyqtady.
- Bul synaqtar quqyqtyq tártip áskeriniń dástúrli sabaqtastyǵyn jalǵaı otyryp, «Búrkit» arnaıy jasaq jaýyngerleriniń kásibı biliktiligin arttyrý jáne sheberlikterin shyńdaý maqsatynda uıymdastyrylǵan. «Búrkit» arnaıy jasaǵynyń jaýyngerleri ózderine júktelgen tapsyrmalardy sátti oryndap keledi. Sondaı-aq memlekettiń jáne azamattardyń konstıtýııalyq quqyǵyn qorǵaýda óz mindetterin abyroımen atqarýda. Bıylǵy jeltoqsan aıynda atalǵan arnaıy jasaqtyń qurylǵanyna 25 jyl tolady. Osy ýaqyt aralyǵynda IIM jáne Ulttyq ulan basshylary arnaıy jasaq jaýyngerleriniń daıyndyǵyna qoldaý kórsetip, nazarda ustap keldi. Qazirgi ýaqytta arnaıy jasaq bólimshelerin qamtamasyz etý deńgeıi artpasa kemigen emes. Sondyqtan da munda qyzmet atqarǵysy keletin áskerılerge qoıylatyn talap qatań. Bul sózimizge «Kúreń beret» baýyrlastyǵyna qosylǵan jaýyngerlerdiń deńgeıi dálel bola alady. Búgin kúreń beret kıgen áskerı qyzmetshilerdiń qatary 15 adamǵa tolǵyp otyr, - dedi general-maıor Baýyrjan Ábjanov.
Osylaısha, synaqty sátti aıaqtaǵan jaýyngerlerdiń tókken teri, etken eńbegi aqtaldy. Olar bul kúndi eshqashan umytpaq emes.
- Kúreń beret alý — meniń armanym edi. Osy synaqqa tyńǵylyqty daıyndaldym. Maǵan senim artqan adamdarǵa aıtar alǵysym sheksiz. 65 shaqyrymdy eńserdik. Bul tyńǵylyqty daıyndyqtyń ǵana emes, namys pen jigerdiń de arqasynda dep oılaımyn. Jasym 41-ge taıap qaldy. Búginge deıin osy qurmetke ıe bolýdy maqsat etip edim. Byltyr dál osy synaqtyń jartysyna kelgende densaýlyǵym syr berip, qalys qalyp edim. Shúkir, jaqyndarymnyń arqasynda eńse tiktep, búgingi deńgeıge jettik. Bul men úshin Olımpıada altynymen parapar, – dedi búgin ǵana kúreń beret ıegeri atanǵan «JAK» esimdi jaýynger.
Aıta keteıik, áskerı qyzmetshiler arasyndaǵy qaısarlyq pen ójettilikti, shydamdylyq pen tózimdilikti syńǵa salar aıtýly sharany tamashalaýǵa Túrkııa, Reseı, Ózbekstan jáne Qyrǵyz Respýblıkalarynyń arnaıy jasaq ókilderi de kelip, ózderiniń joǵary baǵalaryn berdi.
