Atyrauda Ūlttyq ūlan äskeri qyzmetşısı tüzeu mekemesınıŋ maŋynan ışınde küdıktı zat salynǧan oramasy bar drondy anyqtady, dep habarlaidy "Adyrna" tılşısı.
Ūlttyq ūlannyŋ baspasöz qyzmetınıŋ mälımetınşe, oqiǧa şamamen saǧat 08:30-da bolǧan. Leitenant Miras Ysqaqiev QAJ jüiesıne qarasty №15 mekemeden bır şaqyrymdai jerde jürgen kezde jerden ūşqyşsyz ūşu apparatyn baiqaǧan. Onyŋ janynda orama jatqan.
Äskeri qyzmetşı oramany tekseru kezınde ışınen ösımdık tektes, jasyl tüstı jäne özıne tän iısı bar 11 paket anyqtaǧan.
«Äskeri qyzmetşı tabylǧan zat turaly kezekşı qyzmet arqyly dereu baiandady. Oqiǧa ornyna tiıstı qauıpsızdık şaralary qabyldanyp, odan keiıngı jūmystar qūzyrly organdarǧa tapsyryldy», – delıngen Ūlttyq ūlan habarlamasynda.
Tabylǧan zattyŋ naqty qūramy men onyŋ dron arqyly qandai maqsatta jetkızılgenı anyqtalyp jatyr.
