Astanadaǵy Ulttyq ulan áskerı bóliminde boryshyn ótep júrgen sarbaz aýrýhanaǵa túsip, týǵan anasyn tanymaı qalǵan, dep habarlaıdy “Adyrna” ulttyq portaly.
KTK arnasynyń habarlaýynsha, Dına Júsipova ulynyń oǵan senbeıtinin aıtady. Sondyqtan ne bolǵanyn ashyp túsindirmeıdi eken.
"Ol meni tanymaıdy. Maǵan senbeıdi, ashylyp aıtpaıdy. Men ulymdy, sarbazdy boryshyn óteýge jiberdim, aýrýhanada jatý úshin emes. Múgedek bolyp qaldy deýge bolady. Eshteńeni túsinbeıdi", – dedi anasy Dına Júsipova.
Sarbaz aýrýhanaǵa jeksenbi kúni túsken, sol kúni-aq ata-anasyna onyń jaǵdaıy týraly eskertilipti. Dına Júsipova Astanaǵa dúısenbi kúni kelgenimen, ulyn tek keshke ǵana kóripti. Sózinshe, dárigerler ulyna ne bolǵanyn bilmeıdi.
"Ernar seni bireý urdy ma? Serjant urdy ma? Aıtshy, men saǵan kómektesemin. Jaǵdaıy osyndaı", – deıdi ol.
Áskerı bólimde sarbazdyń keshki astan keıin baspaldaqpen kóterilip kele jatyp esinen tanǵanyn aıtady. Uryp-soǵý deregin joqqa shyǵaryp otyr. Bólim komandıriniń orynbasary sarbazǵa "talma sındromy" qoıylǵanyn málimdedi.
"Denesi tekserildi, eshqandaı jaraqat anyqtalǵan joq. Bolǵan jaǵdaı týraly sarbazdyń ata-anasyna jáne quzyrly organdarǵa eskertildi. Qazir bólim ishinde qyzmettik tekseris, tergeý júrip jatyr", – dedi Ulttyq ulan №5575 áskerı bólimi komandıriniń orynbasary Aıdarbek Júsipbekov.
