Shyǵys Qazaqstandaǵy "Vostokvetmet" JShS shahtasynda tórt adam qaza tapty, dep habarlaıdy “Adyrna” ulttyq portaly.
Qaıǵyly oqıǵa 31 tamyz kúni saǵat 17:30-da bolǵan. TJD kenshilerdiń belgisiz zattan ýlanyp kóz jumǵanyn habarlady.
Odan ózge taǵy bir adam Shyǵys Qazaqstan oblysy Glýbokovskıı aýdandyq aýrýhanasyna jatqyzyldy.
Kenishke ıelik etetin KAZ Minerals kompanııasy qaıǵyly oqıǵanyń bolǵanyn rastady. Kompanııa "Vostokvetmet" JShS kenishindegi jumysshylardyń óliminiń mán-jaıy men sebepteri anyqtalyp jatqanyn habarlady.
"Oqıǵanyń mán-jaıy men sebepteri anyqtalýda, qaıǵyly oqıǵany tergeý úshin KAZ Minerals tobynyń dırektorlar keńesiniń tóraǵasy Oleg Novachýk Ertis kenishine jeke qatysý úshin barǵan", - dep habarlady kompanııa.
KAZ Minerals kompanııasy qaza bolǵandardyń týystary men jaqyndaryna kóńil aıtyp, "otbasyna jan-jaqty kómek kórsetýge" ýáde berdi.
Qazir oqıǵaǵa qatysty tergeý júrgizilip jatyr.
"Tergeý júrgizilip jatyr. Oqıǵanyń barlyq mán-jaıy anyqtalýda", - dep habarlady oblystyq polıııa.
