Shahtadaǵy apattan qaıtys bolǵandardyń tizimi jarııalandy

2537
Adyrna.kz Telegram
Qapııada qyrshyn ketkenderge qatysty derekter belgili boldy.Qaraǵandy ​​oblysynyń ákimdigi Shahtınsktegi shahtada qaza tapqandardyń tizimin jarııalady, dep habarlaıdy "Adyrna" ulttyq portaly.

Apat bolǵan shaqta 106 adam jer astynda eńbek etip jatqan. Onyń 101 evakýaııalandy. Ókinishke qaraı, bes adam qaza taýyp, tórteýi jaraqat aldy.

1. Boıchenko Dmıtrıı Igorevıch, 1991 jyly týǵan, jerasty burǵylaý qondyrǵysynyń mashınısi. Eńbek ótili – 8 jyl. Sońynda anasy qaldy.

2. Sanjarov Andreı Pavlovıch, 1980 jyly týǵan, jerasty burǵylaý qondyrǵysynyń mashınısi. Eńbek ótili – 21 jyl. Ata-anasy men eki balasy qaldy.

3. Inkın Denıs Anatolevıch, 1984 jyly týǵan, jerasty burǵylaý qondyrǵysynyń mashınısi. Eńbek ótili – 13 jyl. Ákesi, áıeli, qyzy jáne taǵy bir qolyna qaraǵan adam qaldy.

4. Qashkeı Arman Qadirjanuly, 1993 jyly týǵan, jerasty burǵylaý qondyrǵysynyń mashınısi. Eńbek ótili – 8 jyl. Ata-anasy qaldy.

5. Yntybekov Marǵulan Serikuly, 1996 jyly týǵan, burǵylaý qondyrǵysy operatorynyń kómekshisi. Jumys tájirıbesi – eki aı. Ákesi qaldy.

"Adyrna" ujymy qara jamylǵan otbasylarǵa qaıǵyra otyryp kóńil aıtady. Oqys oqıǵa saldarynan jaraqat alǵandardyń basy aman, baýyry bútin bolsyn!

"Adyrna" ulttyq portaly

Pikirler