Aqtöbe oblysynda Hromtaudaǧy Don tau-ken baiytu kombinatynyŋ şahtasynda tötenşe jaǧdai oryn aldy. 28 aqpanda şahtanyŋ öndıru blogynda būrǧylau jūmystary kezınde sutegı bölınuıne bailanysty tört kenşı zardap şektı, dep habarlaidy "Adyrna" ūlttyq portaly.
Oblystyq Densaulyq saqtau basqarmasynyŋ mälımetınşe, jaraqat alǧan tört qyzmetker Hromtau audandyq auruhanasyna jetkızılgen.
"Zardap şekkenderdıŋ ekeuı travmatologiia bölımıne jatqyzyldy, bıreuı ambulatoriialyq em qabyldau üşın üiıne jıberıldı, al bır kenşı auyr halde jansaqtau bölımınde jatyr. Olarǧa barlyq qajettı medisinalyq kömek körsetılude", – dep mälımdedı basqarma ökılı.
Aqtöbe oblystyq Polisiia departamentınıŋ habarlauynşa, atalǧan oqiǧaǧa qatysty sotaldy tergeu bastaldy.
"Tau-ken nemese qūrylys jūmystaryn jürgızu kezınde qauıpsızdık erejelerın būzu faktısı boiynşa sotaldy tergeu jürgızılude", – dedı vedomstvo ökılderı.
Aita keteiık, 2025 jyldyŋ 17 aqpanynda Ūlytau oblysyndaǧy "Jomart" kenışınde şahta opyrylyp, jetı kenşı üiındı astynda qalǧan edı. 18 aqpanda Tötenşe jaǧdailar ministrlıgı olardyŋ mürdelerı tabylǧan.
Ūqsas jaŋalyqtar
