Foto: aşyq derekköz
Täuelsızdıktıŋ 35 jyldyǧy aiasynda Şyǧys Qazaqstan oblysynda äleumettık infraqūrylymdy damytu jäne jaŋǧyrtu jūmystary jalǧasuda. Prezident Qasym-Jomart Toqaev Qazaqstan halqyna Joldauynda 2027 jyldy "Jalpyhalyqtyq auqymdy qūrylys jyly" dep jariialau bastamasyn köterıp, äleumettık jäne injenerlık infraqūrylymdy jaŋǧyrtudy el damuynyŋ maŋyzdy baǧyttarynyŋ bırı retınde belgıledı.
Būl mındettıŋ öŋırlerdegı naqty körınısı densaulyq saqtau men bılım beru nysandarynyŋ qoljetımdılıgı, olardyŋ materialdyq-tehnikalyq bazasy jäne qyzmet körsetu mümkındıkterımen ölşenedı. Şyǧys Qazaqstan oblysynda biylǧy on aida bes äleumettık nysannyŋ qūrylysy men qaita jaŋǧyrtu jūmystary aiaqtaldy. Olardyŋ qatarynda Öskemendegı Gematologiia ortalyǧy, Zaisan audanyndaǧy därıgerlık ambulatoriia jäne Ridderdegı 600 oryndyq mektep bar. Jyl soŋyna deiın taǧy ekı medisinalyq nysandy paidalanuǧa beru josparlanyp otyr.
Äleumettık infraqūrylym – auqymdy qūrylystyŋ negızgı baǧyty
Memleket basşysy Joldauda kötergen «Halyqtyq qūrylys» bastamasy eldı mekenderdıŋ infraqūrylymyn keşendı jaŋǧyrtuǧa baǧyttalǧan. Mūnda jaŋa nysandar salumen qatar, qoldanystaǧy äleumettık mekemelerdıŋ jaǧdaiyn jaqsartu, medisinalyq jäne bılım beru qyzmetterınıŋ qoljetımdılıgın arttyru mäselelerıne de basymdyq berılgen. Osy tūrǧydan alǧanda, Şyǧys Qazaqstanda biyl jüzege asqan jobalar öŋırdıŋ äleumettık infraqūrylymyn damytudaǧy naqty qajettılıkterdı körsetedı. Bır jaǧynan, joǧary tehnologiialyq medisinalyq kömek körsetu mümkındıgı keŋeise, ekınşı jaǧynan, audandyq deŋgeidegı diagnostikalyq qyzmetter men auyl tūrǧyndaryna arnalǧan alǧaşqy medisinalyq kömek infraqūrylymy jaŋartylyp jatyr.
2026 jyldyŋ on aiynyŋ qorytyndysy boiynşa oblysta bes äleumettık nysandaǧy qūrylys jäne qaita jaŋǧyrtu jūmystary aiaqtalǧan. Onyŋ törteuı densaulyq saqtau salasyna, bıreuı bılım beru salasyna tiesılı. Būl turaly Öŋırlık kommunikasiialar qyzmetınde ötken brifingte oblystyq Qūrylys, säulet jäne qala qūrylysy basqarmasy basşysynyŋ mındetın atqaruşy Ernaz Mūqataev baiandady.
Densaulyq saqtau salasyndaǧy maŋyzdy jobalardyŋ bırı – Öskemende aşylǧan Gematologiia ortalyǧy. Spikerdıŋ aituynşa, būl – elımızde osyndai beiındegı jalǧyz medisinalyq mekeme. Ortalyqtyŋ ıske qosyluy öŋırdegı mamandandyrylǧan medisinalyq kömektıŋ mümkındıgın keŋeituge baǧyttalǧan. Ernaz Mūqataevtyŋ mälımetınşe, nysandaǧy qūrylys-montaj jūmystarynyŋ qūny 42,7 mlrd teŋgenı qūraǧan. Al medisinalyq jäne tehnologiialyq jabdyqtardy satyp aluǧa ärı ornatuǧa jalpy 41,6 mlrd teŋge baǧyttalǧan. Onyŋ 36,2 mlrd teŋgesı medisinalyq tehnikaǧa, 5,4 mlrd teŋgesı tehnologiialyq jabdyqtarǧa jūmsalǧan. Ortalyq kürdelı zertteuler jürgızuge mümkındık beretın zamanaui diagnostikalyq apparattarmen jabdyqtalǧan. Atap aitqanda, mūnda Brilliance iCT kompiuterlık tomografy, quattylyǧy 1,5 Tesla Ingenia Ambition magnittık-rezonanstyq tomografy, ekı Azurion angiografiialyq jüiesı jäne CombiDiagnost R90 rentgenodiagnostikalyq jüiesı ornatylǧan. Mūndai jabdyqtar diagnostikalau mümkındıkterın keŋeitıp, pasientterdı tekseru men emdeu kezınde zamanaui tehnologiialardy qoldanuǧa jol aşady. Äsırese kürdelı zertteuler men mamandandyrylǧan emdı qajet etetın nauqastar üşın medisinalyq qyzmettıŋ bır ortalyqta körsetıluı maŋyzdy.
Audandyq medisinada diagnostikalyq mümkındık artady
Medisinalyq infraqūrylymdy jaŋartu jūmystary oblys ortalyǧymen şektelmei, audandarda da jürgızılude. Aiaqtalǧan jobalardyŋ bırı – Zaisan audanynyŋ Qaratal auylynda därıgerlık ambulatoriia qūrylysynyŋ aiaqtaluy. Jaŋa nysan auyl tūrǧyndaryna alǧaşqy medisinalyq-sanitariialyq kömektı öz eldı mekenınde aluǧa mümkındık beredı. Auyldyq jerlerde mūndai mekemelerdıŋ boluy tūrǧyndardyŋ medisinalyq qyzmetke qoljetımdılıgıne tıkelei äser etedı.
Altai audanynda audanaralyq auruhana aumaǧynda magnittık-rezonanstyq tomografiia apparatyn ornalastyruǧa arnalǧan jeke ǧimarat salyndy. Būl audan tūrǧyndaryna MRT tekseruınen ötuge jaǧdai jasap, auruhananyŋ diagnostikalyq mümkındıkterın keŋeituge baǧyttalǧan.
Öskemende de medisinalyq infraqūrylymdy jaŋartu jūmystary jürgızıldı. Protozanov köşesı, 7 mekenjaiyndaǧy Şyǧys Qazaqstan oblystyq auruhanasy ǧimaratynyŋ bır bölıgı qaita jaŋǧyrtylyp, jansaqtau bölımıne beiımdeldı. Jūmystar qarqyndy baqylau men emdeudı qajet etetın pasientterge qajettı jaǧdai jasauǧa baǧyttalǧan.
Ridderde 600 oryndyq jaŋa mektep salyndy
Öŋırdıŋ bılım beru infraqūrylymynda da maŋyzdy joba jüzege asyryldy. Ridder qalasynda 600 oquşyǧa arnalǧan jaŋa mekteptıŋ qūrylysy aiaqtaldy. «Qazsink» JŞS qarajaty esebınen salynǧan bılım beru nysany qaladaǧy mektep oryndarynyŋ sanyn arttyruǧa mümkındık beredı. Būl – öŋırdegı äleumettık infraqūrylymdy damytuda memleketpen qatar biznestıŋ de qatysuynyŋ bır körınısı.
Jaŋa mektepterdıŋ salynuy men qoldanystaǧy bılım beru mekemelerın jaŋartu oquşylar sanynyŋ ösuıne bailanysty sūranysty öteuge ǧana emes, balalardyŋ sapaly bılım aluyna qajettı jaǧdai qalyptastyruǧa da yqpal etedı.
Jyl soŋyna deiın taǧy ekı medisinalyq nysan ıske qosylady
Şyǧys Qazaqstanda äleumettık infraqūrylymdy jaŋartu jūmystary jyl soŋyna deiın jalǧasady.
