Jańa 2024-2025 oqý jylynda 351 176 bala 1-synypqa qabyldandy jáne onyń 70%-ǵa jýyǵy qazaq tilinde oqýǵa nıet bildirdi. Bul týraly oqý-aǵartý mınıstrligi málimdedi, dep habarlaıdy “Adyrna” ulttyq portaly.
Málimetke sáıkes, birinshi synypqa baratyn oqýshylardyń eń kóp sany Túrkistan oblysynda (44 myńnan astam), Almaty oblysynda (34 myń), Astana qalasynda (26 myńnan astam) tirkelgen.
Oqý-aǵartý mınıstrliginiń habarlaýynsha, 2024-2025 oqý jylynda 7 859 mektepte 3,9 mıllıonnan astam qazaqstandyq bala bilim alady. Sonymen qatar, 11-synypta oqıtyndardyń sany da rekordtyq kórsetkishke jetti – 219 myńnan astam bala.
Jalpy jańa oqý jylynda 1-synypqa 369 myń bala qabyldanady dep kútilýde.
