Prezident qabyldauynan soŋ. Ūlttyq qauıpsızdık komitetınıŋ töraǧasy auysty

321
Adyrna.kz Telegram
https://adyrna.kz/storage/uploads/g3nzzCB0ZlmitNM0bV5GzFgwg1lyIfCpVliiSJSW.jpg

Suret: Jİ

Bügın, 16 qaraşada Ūlttyq qauıpsızdık komitetınıŋ töraǧasy Ermek Saǧymbaev qyzmetınen kettı. Būl turaly Aqorda jazdy, dep habarlaidy «Adyrna» tılşısı.

«Memleket basşysynyŋ Jarlyǧymen Ermek Aldabergenūly Saǧymbaev Qazaqstan Respublikasy Ūlttyq qauıpsızdık komitetınıŋ töraǧasy lauazymynan bosatyldy»,– delıngen habarlamada. 

Endı būl qyzmettı Marat İrmenov atqarady. Būǧan deiın ol Ūlttyq qauıpsızdık komitetı töraǧasynyŋ orynbasary bolǧan edı.

Marat Ǧataūllaūly Batys Qazaqstan auyl şaruaşylyǧy institutyn, ŪQK institutyn jäne Halyqaralyq qūqyq jäne naryq akademiiasyn aiaqtaǧan.

II därejelı "Daŋq" ordenımen, memlekettık, vedomstvolyq jäne mereitoilyq medaldarmen nagradtalǧan.

Eske salaiyq, 13 qaraşada prezident Qasym-Jomart Toqaev ŪQK eks-töraǧasy Ermek Saǧymbaevty qabyldaǧan edı. Memleket basşysyna vedomstvonyŋ jyl basynan berı atqarǧan qyzmetınıŋ negızgı nätijelerı baiandalyp, aldaǧy kezeŋge arnalǧan jospary tanystyrylǧan. Būl kezdesudıŋ Ūlttyq qauıpsızdık komitetınıŋ Sybailas jemqorlyqqa qarsy ıs-qimyl qyzmetı «Samūryq-Qazyna» basqarma töraǧasy Nūrlan Jaqypov pen QTJ basşysy Eljas Otynşievtı ūstaǧannan keiın ötkenı nazar audartqan.

Pıkırler