El ishinde qalaaralyq kólik quraly bolǵan Alphard-tan qaýip seıilmeı tur. Úlken jolda jol-kólik apaty bolyp, Alphard “ajal kóligine” aınalǵan.
Keshe, 17 tamyz kúni Jambyl oblysynda jantúrshigerlik apat boldy.
“2024 jylǵy 17 tamyzda saǵat 1.00 shamasynda «Merki-Shý-Býrylbaıtal» respýblıkalyq tas jolynyń 40-shaqyrymynda aýyr jol-kólik oqıǵasy boldy. Toyota Alphard kóliginiń júrgizýshisi qarsy jolaqqa shyǵyp ketip, polıııa patrýldik polıııasynyń Skoda Octavia kóligimen soqtyǵysqan. Oqıǵa saldarynan qyzmettik kólikte bolǵan jáne jol qaýipsizdigin qamtamasyz etip, tas joldy kúzetip júrgen eki patrýldik polıeı oqıǵa ornynda qaza tapty. Qaıtys bolǵan polıeılerdiń biri 11 balasy bar áke. Toyota Alphard kóliginde segiz jolaýshy bolǵan. Olardyń tórteýi oqıǵa ornynda kóz jumdy, júrgizýshi men qalǵan úsh jolaýshy ártúrli aýyrlyqtaǵy jaraqattarmen ortalyq aýdandyq aýrýhanaǵa jatqyzyldy”, - dep habarlady Jambyl oblysy IID baspasóz qyzmeti.
“Ajal aıtyp kelmeıdi” desek te Alphard apaty júrgizýshilerdiń jol ústinde uıyqtap ketýi, qarsy jolaqqa shyǵýy, qatty jyldamdyqpen júrýinen týyndap otyr. Jyl saıyn bul statıstıka da ósip jatyr. QazTAG redakııasynyń málimetinshe Alphard-pen bolǵan jol-kólik apaty jıilegen.
2020 jyldyń aqpan aıynda Samara-Shymkent tas jolynda Toyota Alphard kóligi apatqa ushyrap, eki adam oqıǵa ornynda til tartpaı ketken. Odan bólek, taǵy eki adam zardap shekti.
Sol jyly tamyz aıynda Aqtaý-Jańaózen tas jolynda da Toyota Alphard kóliginiń qatysýymen bolǵan jol-kólik oqıǵasynan tórt adam qaza tapty.
2021 jyldyń mamyrynda júkti áıeli bar jedel járdem kóligi Toyota Alphard kóligimen soqtyǵysqan.
Al 2022 jyldyń aqpan aıynda Alphard Oral-Atyraý tas jolynda aýdarylyp, bir adam qaza tapqan. Al ekinshisi aýrýhanaǵa jatqyzyldy.
2022 jyldyń kókteminde Samara-Shymkent tas jolynda Toyota Alphard kóliginiń qatysýymen bolǵan jol apatynan jeti adam zardap shekti. Abyroı bolǵanda zardap shekkender bolmaǵan.
Artynsha 2022 jyldyń maýsymynda Jetisý oblysynda Toyota Alphard kóliginiń qatysýymen bolǵan jol-kólik oqıǵasy saldarynan eki adam qaza taýyp, segiz adam aýrýhanaǵa jatqyzyldy.
Bir aıdan soń Aqtóbe oblysyndaǵy tas jolda Toyota Alphard kóligi basyp ozyp, jol-kólik oqıǵasy boldy. Saldarynan oqıǵa ornynda 7 adam qaza tapty.
2022 jylǵy qazanda Jambyl oblysynda Toyota Alphard kóligi men avtobýstyń qatysýymen bolǵan jol-kólik oqıǵasy saldarynan bir adam qaza taýyp, úsh adam jaraqat aldy. Sol aıda Pavlodar oblysynda da Toyota Alphard kóliginiń qatysýymen jol apaty bolyp, bir zeınetker qaıtys boldy.
2023 jylǵy aqpanda Batys Qazaqstan oblysynda tas joldyń boıynda Toyota Alphard kóliginiń qatysýymen bolǵan jol apatynan eki adam qaza tapqan. Al Samara-Shymkent tas jolynda Toyota Alphard kóliginiń qatysýymen bolǵan jol-kólik oqıǵasy saldarynan eki adam qaza taýyp, bes adam zardap shekti.
2023 jyldyń mamyr aıynda Soltústik Qazaqstan oblysynda apat boldy. Tas jolda Toyota Alphard kóliginiń soqtyǵysýy saldarynan bes adam zardap shekti, bir adam qaza tapty.
2023 jyldyń maýsymy – Qostanaı oblysynda Toyota Alphard kóliginiń qatysýymen bolǵan jol apatynan ákeli-balaly eki adam qaıtys boldy.
2023 jyldyń shildesinde apat Qostanaı – Sarykól tas jolynda boldy. Toyota Alphard kóliginiń qatysýymen bolǵan jol-kólik oqıǵasy saldarynan eki júrgizýshi qaıtys boldy;
Kópshilik úshin “apat joly” atanǵan Samara-Shymkent tas jolynda 2023 jyldyń shilde aıynda Toyota Alphard kóliginiń qatysýymen bir adam ólimine ákelgen apat boldy.
2023 jyldyń tamyzy. Qaraǵandy-Balqash tas jolynda Toyota Alphard kóliginiń qatysýymen bolǵan jol apatynyń saldarynan 13 adam zardap shekti. Eshkim qaza tapqan joq.
2023 jylǵy tamyzda Shymkent – Samara tas jolynda Toyota Alphard kóligi aýdarylyp qaldy. Al Qostanaı oblysyndaǵy tas jolda Toyota Alphard kóliginiń soqtyǵysýy saldarynan jolaýshy tirideı janyp ketti.
2023 jyldyń qarasha aıynda Taraz qalasynda jol boıynda otyrǵan er adamdy Toyota Alphard qaǵyp ketti. Er adam qaza taýyp, júrgizýshi oqıǵa ornynan qashyp ketken.
2023 jylǵy jeltoqsan – Aqtóbe oblysynda Toyota Alphard júk kóligimen soqtyǵysqan jol apatynan eki oqýshy kóz jumdy.
2023 jylǵy aqpan - «QazAvtoJol» kompanııasynyń qyzmetkeri Qyzylorda oblysynda qyzmettik mindetterin atqarý kezinde qaıtys boldy. Jol apatyna kináli dep Toyota Alphard kóligin tizgindegen júrgizýshi tanyldy.
Al 2024 jyldyń maýsymy – Aqtóbede Toyota Alphard kóliginiń qatysýymen bolǵan jol-kólik oqıǵasynan tórt adam qaza taýyp, bireýi aýrýhanaǵa jatqyzylǵan.
Alphard kóliginiń qatysýymen sońǵy apat 17 tamyzda tirkeldi. Saldarynan alty adam ajal qushty. Onyń ekeýi polıııa qyzmetkerleri. Marqum bolǵan bir er adamnyń artynda 11 balasy qaldy.
Aqtóbede 7 maýsymda bolǵan Alphard apatynan soń mınıstrlik málimdeme jasaǵan.
«Osy maqsatta kún saıyn trassalarda shamamen 1,5 myń patrýldik polıeı qyzmet etedi. Ekıpajdar 50 shaqyrym saıyn ornalastyrylǵan. Júrgizýshiler kóbinese jol erejelerin elemeıdi. Jyldamdyq rejımin saqtamaıdy. Qarsy jolǵa shyǵyp ketip jatady. Mysaly 5 maýsymda Aqtóbe oblysynda Toyota Alphard avtokóliginiń júrgizýshisi rýldi basqara almaı, aýdarylyp ketti. Apatqa deıin ony polıııa qyzmetkerleri toqtatyp, jol erejesin saqtaý týraly eskertken bolatyn. Oqıǵa saldarynan tórt adam qaza tapty. Júrgizýshilerdi taǵy da jolda saq bolýǵa shaqyramyn!»—dedi ol.
2023 jyly jyly Qazaqstan aýmaǵynda 15 myńnan astam jol-kólik oqıǵasy tirkeldi. Kólik apaty kezinde 5 myń azamat qaza taýyp, 19 myńnan astam adam jaraqat aldy.
Qazaqstandyqtar tún ishinde jyldamdyqty qatty asyryp, jol erejesin saqtamaıtyn júrgizýshilerge jazany qatańdatýdy suraıdy. Al Alphard júrgizýshileriniń uıqysy kelip, kólikti tizgindep, tas jolda quıyndaı júıtkeıtinine de narazy bolyp, shara qoldanýǵa shaqyrýda.
