Тағы да Alphard кесірінен оқушылар қаза тапты

2670
Adyrna.kz Telegram

Ақтөбе облысында ауыр жол апатынан екі оқушы мен мұғалім қаза тапқаны айтылды, - деп хабарлайды "Адырна" ұлттық порталы. 

Қайғылы оқиға Ырғыз өңірінде 19 желтоқсанда мектеп оқушылары мен олардың мұғалімі Олимпиадаға бара жатқан жолда болды. Ақтөбе облыстық білім басқармасы басшысының айтуынша, Ырғызда аудан орталығында мектеп пәндері бойынша олимпиада өтуі тиіс еді. Оған Жаныс би ауылынан 10 жоғары сынып оқушысы бармақ болған. Бірақ белгіленген уақытта полицияның жол сілтеуімен олимпиадаға бес оқушы ғана аттанды.

"Қалған бесеуі кейін жеке көлікпен полицияның жол көрсетуінсіз кетіп қалды. Біз егжей-тегжейлерін анықтап жатырмыз. Бірақ, алдын ала мәлімет бойынша, бұл оқушылардың ата-аналары ауа райының қолайсыздығына байланысты балаларын Олимпиадаға жібермей қойған. Бірақ олар сонда да, жолға шығып кеткен», - деді ол Ақтөбе облыстық білім басқармасының басшысы Сұлтан Жайық.

Белгілі болғандай, Жаныс би кентіндегі мектептің бес баласы мен мұғалімі жеке Toyota Alphard көлігімен кетіп қалған. Көлік жүргізушісі Ақтөбе облысы әкімінің баспасөз қызметінен түскен мәліметке қарағанда, марқұм мектеп оқушысының 25 жастағы ағасы болған. Полицияның айтуынша, ер адам көлікті қарсы келе жатқан көлікке қарай айдап кеткен.

"Үш күннің ішінде полиция бөліміне мектептен арыз түсті. Білім беру мекемесінің басшылығы балалардың Ырғыздағы олимпиадаға бара жатқанын және оларға жолсерік керек екенін хабарлады. Оларды екі көлікпен тасымалдау керек еді. Бірақ бұл туралы өтініште Toyota Alphard көлігі көрсетілмеген. Қалған балалар аман-есен Ырғызға жеткізілді. Ал Toyota Alphard көлігінде болғандар жол апатына ұшырады.Сағат 08:30 шамасында Самара - Шымкент тас жолы, Құрылыс ауылының маңында жол апаты орын алып, Toyota Alphard қарсы жолаққа шығып кетіп, Volvo жүк көлігімен соқтығысты», - деп түсіндірді Ақтөбе облыстық ІІД бастығының бірінші орынбасары Ардана Саймағамбетов.

Ол «Көлік құралдарын басқаратын адамдардың жол қозғалысы немесе көлік құралдарын пайдалану ережелерін бұзуы», сондай-ақ «Балалардың өмірі мен денсаулығының қауіпсіздігін қамтамасыз ету жөніндегі міндеттерді тиісінше орындамау» баптары бойынша тергеу басталғанын атап өтті.

Апат салдарынан Toyota Alphard көлігіндегі үш жолаушы: 25 жастағы Жаныс би кентіндегі мектеп директорының орынбасары мен екі орта мектеп оқушысы қаза тапты. Үш оқушы аудандық ауруханаға жатқызылды, олардың денсаулығы мен өміріне қауіп төніп тұрған жоқ, деп хабарлады денсаулық сақтау басқармасынан. Көлік жүргізушісіне психологиялық көмек көрсетілуде», - делінді ведомстводан.

Пікірлер