Almatyda avtobus apatynan qaitys bolǧan erlı-zaiyptynyŋ artynda tört balasy qaldy, dep habarlaidy "Adyrna" tılşısı KTK arnasyna sıltep.
Almatyda qoǧamdyq kölık jol jiegınde tūrǧan adamdardy basyp, apattan üş adam qaitys boldy.
Qaitys bolǧandardyŋ ekeuı erlı-zaiyptylar. Talap Kosimov pen Güljahan İrsımbetova üige qaitu üşın jol boiynda taksi ūstap tūrǧan. Osy sätte olardy avtobus qaǧyp ketken.
Marqūmdardyŋ artynda tört bala qaldy.
"Kışısı üige qonaqtar keldı dep oilaidy. Jügırıp, oinap jür. Ata-anasy jaqynda keledı dep oilaidy. Anasy men äkesı qaida dep sūraǧanda ne dep jauap beretınımızdı bılmeimın. Mäiıthanada mäiıttı orap, aşuǧa tyiym saldy. Qatty soqqydan bet-älpetı tanuǧa kelmeidı. Janazaǧa deiın juyndyrmady da. Olar ünemı bırge jüretın. Ünemı üige asyǧatyn. Balalar taŋ atqanşa anasy men äkesın küttı", – deidı tuysy Gülnar Tūrsynbekova.Ata-anasy üige oralmaǧan kezde ülken qyzy olardy ızdei bastaǧan. Qyz auruhana men polisiiaǧa habarlasqan. Keiın ata-anasynyŋ denesı mäiıthanada ekenın bılgen.
"Polisiia qyzmetkerlerınıŋ qoldarynda jeke kuälıkterı bolǧan. Bıraq bızge eşkım qoŋyrau şalǧan da joq. Bız özımız ızdep, mäiıtter mäiıthanada jatqanyn bıldık. Avtobus aǧamyz ben jeŋgemızdı basyp ketken. Nelıkten küdıktı "Būzaqylyq" boiynşa ūstalyp otyr. Adamdar öldı. Jürgızuşı men jolauşy arasynda janjal şyqqanyn estıdık. Jürgızuşı ündemei qaluy kerek edı", – deidı tuysy Abdulla Qūrbanov.Marqūm bolǧandar 45 jastaǧy erlı-zaiyptylar. Ekeuı de mektepte jūmys ıstep, qazaq ädebietı pänınen sabaq bergen eken. Künı keşe tuystary avtobus apatynan qaitys bolǧandardy aqtyq saparǧa şyǧaryp saldy.
Ūqsas jaŋalyqtar
