Búgin fılologııa ǵylymdarynyń doktory, professor, Qazaqstan Respýblıkasy UǴA akademıgi Rábıǵa Sátiǵalıqyzy Syzdyqtyń dúnıege kelgenine 100 jyl toldy, dep habarlaıdy “Adyrna” ulttyq portaly.
Ol 1924 jylǵy 17 tamyzda Aqtóbe oblysy Oıyl aýylynda týǵan.
Rábıǵa Syzdyq "Abaı qara sózderiniń negizgi morfologııalyq erekshelikteri" (1959) taqyrybynda kandıdattyq, “Abaı shyǵarmalarynyń tili” (1972) taqyrybynda doktorlyq dıssertaııa qorǵaǵan.
Ǵylymı-zertteý eńbekteri qazaq ádebı tiliniń tarıhy, Abaıdyń poetıkalyq tili, qazaq tiliniń poetıkasy, XV – XIX ǵasyrlardaǵy aqyn-jyraýlar tili, ortaǵasyrlyq jazba eskertkishter tiliniń tarıhy men leksıka-grammatıkalyq qurylymy, tekstologııasy, tarıhı leksıka, lıngvostılıstıka, til mádenıeti, orfografııa, jazý teorııasy, ahmettaný, lıngvodıdaktıka salalaryna arnalǵan.
“Qazaq ádebı tiliniń tarıhy” monografııasy úshin Sh.Ýálıhanov atyndaǵy syılyǵy (1995), Abaıdyń shyǵarmalyq murasyn zerttegen eńbekter toptamasy úshin QR Memlekettik syılyǵyn (1996) alǵan. “Qurmet belgisi” (1971), “Parasat” (2004) ordenderimen, birneshe medaldarmen marapattalǵan.
Rábıǵa Syzdyq 2020 jylǵy 4 shildede Almaty qalasynda 96 jasyna qaraǵan shaǵynda qaıtys bolǵan edi.
“Ǵylymda azdy-kópti jumys istedim. Sonyń bárine jetelep ákelgen namys” degen asyl akademıktiń artynda qundy bilim, óshpes mura qaldy.
