Ahmet Baıtursynuly mýzeı-úıiniń ǵylymı qyzmetkeri, Abaı atyndaǵy Ulttyq pedagogıkalyq ýnıversıtetiniń Abaı Ýnıversıteti professory Svetlana Smaǵulovanyń «Zulmat jyldar zardaby» atty zertteý eńbegi baspadan shyqty. Bul týraly Almaty qalasy mýzeıler birlestigi málimdedi, dep habarlaıdy “Adyrna” ulttyq portaly.
Monografııalyq eńbekte HH ǵasyrdyń 30 jyldaryndaǵy qazaq jerinde túrli saıası naýqandardyń júrgizilý barysy, úkimet tarapynan kórsetilgen qysymshylyq, narazylyqtar men kóterilister jaıly aıtylady. Avtor saıası jaǵdaılarǵa toqtala otyryp, 1931-1933 jyldaryndaǵy ashtyqtyń shyǵý sebebi men saldaryna, ashtyq barysyndaǵy úkimettiń júrgizgen is-sharalary men qazaq azamattarynyń joǵary oryndarǵa jibergen hattary, balalardyń ashyǵýy, ult qaıratkerleriniń ashtyq aýyzdyqtaýdaǵy qyzmeti jan-jaqty taldaıdy.
Kitap gýmanıtarlyq ǵylymdar salasy mamandaryna, joǵary oqý oryndarynyń oqytýshylaryna, stýdentterine, magıstranttar men doktoranttaryna, sondaı-aq kópshilik oqyrman qaýymǵa arnalady.
Baspaǵa L.N. L.N.Gýmılev atyndaǵy Eýrazııa ulttyq ýnıversıtetiniń Ǵylymı keńesi usynǵan.
Oqyrman nazaryna sala ketelik, Ahmet Baıtursynuly Mýzeı-úıinde 31-mamyr Asharshylyq pen saıası qýǵyn-súrgin qurbandaryn eske alý kúni “Zulmat jyldar zardaby” atty dóńgelek ústel ótetini habarlanǵan bolatyn. Shara aıasynda atalǵan kitaptyń da tusaýkeseri ótedi. Dóńgelek ústelge tarıhshy, alashtanýshy ǵalymdar, mýzeı-úı jankúıerleri jáne mýzeıde praktıkadan ótip jatqan stýndetter qatysady.
