Bügın - Ǧylymdaǧy äielder men qyzdardyŋ halyqaralyq merekesı, dep habarlaidy "Adyrna" tılşısı.
Atauly datany "ǧylymdaǧy äielder men qyzdardyŋ halyqaralyq künı" dep 2015 jyly jeltoqsanda BŪŪ Bas Assambleiasy bekıtken.
Būl kün näzık jandylardyŋ ǧylymǧa tolyq jäne teŋ qol jetkızuıne jäne olardyŋ qūqyqtary men mümkındıkterın qamtamasyz etuge baǧyttalǧan.
Bügınde Qazaqstan ǧalymdarynyŋ 54% äiel adamdar eken. 2022 jylǧy aqparatqa süiensek, elımızde 10 myŋǧa juyq äiel ǧylym salasynda qyzmet etedı. Dälırek aitqanda, 714 äiel – ǧylym doktory, 2 427 – ǧylym kandidaty, 992 – PhD doktory, 28 – mamandyq doktory.
Aqparat jäne mädeniet ministrlıgınıŋ basşysy Aida Balaeva Facebook jelısındegı paraqşasynda ǧylymǧa den qoiǧan äielder men qyzdardy merekemen qūttyqtady.
"11 aqpan – Ǧylymdaǧy äielder men qyzdardyŋ halyqaralyq künı. Būl kün äielder men qyzdarymyzdyŋ ǧylym men tehnika salasyndaǧy mümkındıkterın damytuǧa qoldau körsetudıŋ maŋyzyn eske salady. Ǧylymǧa qyzyǧatyn qyzdar üşın ülgı alatyn tūlǧalardyŋ boluy maŋyzdy.
Jaqynda biolog, belgılı ǧalym Künsūlu Zakaria vaksinasiia salasynyŋ damuyna üles qosqan äielderdıŋ älemdık reitingıne endı. Onyŋ jetekşılıgımen bır top ǧalym 2020 jyly otandyq «QazVac» vaksinasyn äzırledı. Odan bölek elımızdegı Ǧylym akademiiasy tarihyndaǧy tūŋǧyş äiel prezident, biologiia ǧylymdarynyŋ doktory - Naǧima Aithojina, Ortalyq Aziiadaǧy geologiia ǧylymdarynyŋ doktory bolǧan tūŋǧyş äiel Patşaiym Täjıbaeva siiaqty tūlǧalarmen bız erekşe maqtanamyz.
Jalpy bügınde qazaqstandyq ǧylym jaŋa kezeŋge aiaq basyp otyr. Memleket basşysy būl baǧyttyŋ maŋyzdylyǧyna erekşe män berude. Osy saladaǧy atqarylyp jatqan jūmystar aitarlyqtai nätije körsetetın ǧalymdardyŋ jaŋa qauymdastyǧynyŋ qalyptasuyna yqpal ettı", - dedı ol öz jazbasynda.
Ūqsas jaŋalyqtar
