Jasandy intellekt salasynyŋ eŋ yqpaldy tūlǧalarynyŋ bırı, Google Research-tıŋ būrynǧy direktory jäne älemdegı №1 AI oqulyǧy Artificial Intelligence: A Modern Approach avtorlarynyŋ bırı Piter Norvig Qazaqstanda jürgızılıp jatqan bılım, ǧylym jäne tehnologiia baǧytyndaǧy reformalardy joǧary baǧalady.
Ǧalym būl pıkırın Kai-Fu Lidıŋ şaqyruymen Qazaqstan Prezidentı janyndaǧy Jİ damytu keŋesıne qatysqannan keiın aitty.
Piter Norvigtıŋ aituynşa, Qazaqstannyŋ damu baǧyty älemdık täjıribede sirek kezdesetın batyl qadamdardyŋ bırı:
• «Qazaqstan – mūnaily el, bıraq ekonomikasyn jasandy intellekt baǧytyna batyl būryp otyrǧan memleket», – deidı ol.
Ǧalymnyŋ pıkırınşe, el öz resurstyq ekonomikasyna qaramastan bolaşaǧyn joǧary tehnologiialarmen bailanystyra otyryp, kürdelı, bıraq strategiialyq tūrǧydan dūrys baǧytty taŋdaǧan.
• Demografiiadaǧy basymdyq – jastar. Qazaqstandyq jastar tehnologiiaǧa erekşe qyzyǧuşylyq tanytady, būl innovasiialyq orta qalyptastyruda maŋyzdy faktor.
• Bılımge jasalǧan investisiia airyqşa. Qazır elde 30-ǧa juyq şeteldık universitet filialy jūmys ısteidı. Būl reformalar jergılıktı mamandardy halyqaralyq deŋgeide daiarlauǧa mümkındık berude.
• Qazaqstannyŋ immigrasiialyq saiasaty da dūrys baǧytta. El şeteldık studentterdı köptep qabyldap, akademiialyq mobildılıktı küşeitıp jatyr.
• Startup ekojüiesınıŋ damuy özgeşe modelge süienedı. Köp memleketter venchurlyq kapitaldy negızgı tırek etse, Qazaqstanda startaptar köbıne memlekettık granttarmen ösıp keledı. Norvig būl täsıldı erekşe täjıribe dep atap öttı.
• Elde alǧaşqy «edinorogtar» paida bolǧany — reformalardyŋ nätijesı.
Ǧalymnyŋ aituynşa, eŋ maŋyzdysy — Qazaqstan bilıgı qoǧamǧa tehnologiialyq damu baǧytynyŋ ūzaq merzımdı ärı tūraqty ekenın däleldei alǧan. Būl senım innovasiialyq ekojüienıŋ jyldam qalyptasuyna jäne ösuıne jaǧdai jasap otyr.
Piter Norvig Qazaqstannyŋ Jİ salasyndaǧy ambisiiasy men tūraqty saiasatyn joǧary baǧalap, eldıŋ tehnologiialyq bolaşaǧy zor ekenın atap öttı.
