Aqmola oblysynyń bilim bólimderi óz aýdanynyń kásipkerlik bólimderimen birlesip mektep jármeńkelerin uıymdastyrýdy bastady. Jármeńkede keńse taýarlary, barlyq jastaǵy oqýshylarǵa arnalǵan mektep formasy, rıýkzaktar sııaqty mektep taýarlary usynylady.
Osy ıgi iske «Mektepke jol» jalpy respýblıkalyq qaıyrymdylyq akııasyn uıymdastyrý jáne ótkizý jónindegi is-sharalar josparyna sáıkes mektep taýarlaryn tómendetilgen baǵamen satý úshin kásipkerlerdiń keń aýqymy tartylýda.
Mysaly 2024 jylǵy 9 tamyzda Kókshetaý qalasynyń kásipkerleriniń qatysýymen jármeńke ótti, onyń ishinde «S.A. Ahmadıev» JK, «G. K. Dosqojına» JK, «Tilek» JK, «Z. J. Aqmoldına» JK, «S. A. Ýrtımbaev» JK, «B. J. Saparov» JK, «TP Arman» JShS, «Glasman» JShS. Dostyq úıi alańynda ótti. Astrahan aýdanynda aýdandyq kásipkerlerdiń qatysýymen mektep jármeńkesi ótti.
Esterińizge sala keteıik, «Mektepke jol» akııasy 1 tamyzdan bastalyp, 30 qyrkúıekke deıin jalǵasady. Atalǵan is - sharanyń bas messedji–az qamtylǵan, kóp balaly otbasylar, jetim balalar jáne jańa oqý jylynyń bastalýyna daıyndyq kezeńinde ata-anasynyń qamqorlyǵynsyz qalǵan balalar qataryndaǵy bilim alýshylarǵa materıaldyq kómek kórsetý jáne áleýmettik sebepter boıynsha balalardyń mektepke barmaýynyń aldyn alý. Eger otbasy atalǵan sanattarǵa jatatyn bolsa, onda balalardyń ata-analary mektepke baryp, rastaıtyn qujattardy usynýy kerek.
Aıta keteıik, akııanyń 9 kúninde oblys aýdandarynda (qalalarynda) 238 reıdtik is-shara ótkizildi, oǵan jurtshylyq, memlekettik qurylymdar ókilderiniń (akııaǵa qatysýshylar) ishinen 105 adam qatysty.
«Akııa aıasynda 173 qolaısyz otbasy, 32 oıyn-saýyq mekemesi, 4 kompıýterlik klýb, 7 saıajaı sharýashylyǵy, 13 bazar,9 temirjol vokzaldary tekserildi. Júrgizilgen reıdter nátıjesinde 53 kámeletke tolmaǵandardyń, 50 qolaısyz otbasylardan shyqqandyǵy anyqtaldy.
Oblys boıynsha materıaldyq kómek alǵandardyń jalpy sany 19 myńnan asty, kórsetilgen materıaldyq kómek 810,5 mln. teńgeni qurady», - dep bólisti mektepke deıingi jáne jalpy orta bilim berý bóliminiń bas mamany Baqytjan Tutkabaeva.
