اقمولا وبلىسىنىڭ ءبىلىم بولىمدەرى ءوز اۋدانىنىڭ كاسىپكەرلىك بولىمدەرىمەن بىرلەسىپ مەكتەپ جارمەڭكەلەرىن ۇيىمداستىرۋدى باستادى. جارمەڭكەدە كەڭسە تاۋارلارى، بارلىق جاستاعى وقۋشىلارعا ارنالعان مەكتەپ فورماسى، ريۋكزاكتار سياقتى مەكتەپ تاۋارلارى ۇسىنىلادى.
وسى يگى ىسكە «مەكتەپكە جول» جالپى رەسپۋبليكالىق قايىرىمدىلىق اكتسياسىن ۇيىمداستىرۋ جانە وتكىزۋ جونىندەگى ءىس-شارالار جوسپارىنا سايكەس مەكتەپ تاۋارلارىن تومەندەتىلگەن باعامەن ساتۋ ءۇشىن كاسىپكەرلەردىڭ كەڭ اۋقىمى تارتىلۋدا.
مىسالى 2024 جىلعى 9 تامىزدا كوكشەتاۋ قالاسىنىڭ كاسىپكەرلەرىنىڭ قاتىسۋىمەن جارمەڭكە ءوتتى، ونىڭ ىشىندە «س.ا. احماديەۆ» جك، «گ. ك. دوسقوجينا» جك، «تىلەك» جك، «ز. ج. اقمولدينا» جك، «س. ا. ۋرتيمباەۆ» جك، «ب. ج. ساپاروۆ» جك، «تپ ارمان» جشس، «Glasman» جشس. دوستىق ءۇيى الاڭىندا ءوتتى. استراحان اۋدانىندا اۋداندىق كاسىپكەرلەردىڭ قاتىسۋىمەن مەكتەپ جارمەڭكەسى ءوتتى.
ەستەرىڭىزگە سالا كەتەيىك، «مەكتەپكە جول» اكتسياسى 1 تامىزدان باستالىپ، 30 قىركۇيەككە دەيىن جالعاسادى. اتالعان ءىس - شارانىڭ باس مەسسەدجى–از قامتىلعان، كوپ بالالى وتباسىلار، جەتىم بالالار جانە جاڭا وقۋ جىلىنىڭ باستالۋىنا دايىندىق كەزەڭىندە اتا-اناسىنىڭ قامقورلىعىنسىز قالعان بالالار قاتارىنداعى ءبىلىم الۋشىلارعا ماتەريالدىق كومەك كورسەتۋ جانە الەۋمەتتىك سەبەپتەر بويىنشا بالالاردىڭ مەكتەپكە بارماۋىنىڭ الدىن الۋ. ەگەر وتباسى اتالعان ساناتتارعا جاتاتىن بولسا، وندا بالالاردىڭ اتا-انالارى مەكتەپكە بارىپ، راستايتىن قۇجاتتاردى ۇسىنۋى كەرەك.
ايتا كەتەيىك، اكتسيانىڭ 9 كۇنىندە وبلىس اۋداندارىندا (قالالارىندا) 238 رەيدتىك ءىس-شارا وتكىزىلدى، وعان جۇرتشىلىق، مەملەكەتتىك قۇرىلىمدار وكىلدەرىنىڭ (اكتسياعا قاتىسۋشىلار) ىشىنەن 105 ادام قاتىستى.
«اكتسيا اياسىندا 173 قولايسىز وتباسى، 32 ويىن-ساۋىق مەكەمەسى، 4 كومپيۋتەرلىك كلۋب، 7 ساياجاي شارۋاشىلىعى، 13 بازار،9 تەمىرجول ۆوكزالدارى تەكسەرىلدى. جۇرگىزىلگەن رەيدتەر ناتيجەسىندە 53 كامەلەتكە تولماعانداردىڭ، 50 قولايسىز وتباسىلاردان شىققاندىعى انىقتالدى.
وبلىس بويىنشا ماتەريالدىق كومەك العانداردىڭ جالپى سانى 19 مىڭنان استى، كورسەتىلگەن ماتەريالدىق كومەك 810,5 ملن. تەڭگەنى قۇرادى»، - دەپ ءبولىستى مەكتەپكە دەيىنگى جانە جالپى ورتا ءبىلىم بەرۋ ءبولىمىنىڭ باس مامانى باقىتجان تۇتكاباەۆا.
