Dostyq adamzat ataulyǧa berılgen eŋ asyl qasietterdıŋ bırı. Onyŋ qadır-qasietıne jete bılgen jan şynaiy baqytty. Dostyŋ sany da, sapasy da köp. Bıraq sol jaqynyŋnyŋ ışınen senıŋ jan dünieŋdı köz janaryŋnan-aq mültıksız tüsınetın, qiyn sätte qoldau bolatyn janaşyr sausaqpen sanarlyq. Sol siiaqty dostyŋ da özındık deŋgeiı, märtebesı bolady. Bırı bala şaqtan bar qyzyqty bırge körıp, bır üzım nandy bölısıp kele jatqan dos bolsa, endı bırı ömır aǧysymen joldan qosylǧan joldas ta kezdesedı. Eŋ bastysy özıŋızge jaqynnyŋ ara-jıgın dūrys ajyrata bılu. Basyŋa ıs tüsıp ömırdıŋ türlı syn sätterınde saǧy synbai senı jetelei bılse onda serıgıŋnıŋ senımdı bolǧany. Al, äldebır qyzyǧuşylyqqa baǧyttalǧan maqsaty bolsa onda oilaǧanyŋnyŋ oryndalmaǧany dep bılemız.
Äsker dostardy bır-bırımen jaqyndastyrady. Qatardaǧy Dınäsılov Abylai men Usmanaliev Rahat ekeuı qazır alyp megapolistegı 5571 äskeri bölımınde Otan aldyndaǧy boryştaryn ötep jür. Ekeuı de Şymkent qalasynyŋ tumasy. Mektep qabyrǧasynan berı bırge dos bolyp keiınnen joǧary oqu ornyna tüsedı. Universitet qabyrǧasynda studenttık kezeŋnıŋ eŋ qyzyqty şaqtaryn ötkerıp, oqularyn oqyp on segızge tola salysymen aldymen Dınäsılov Abylai äsker qataryna şaqyrylady. Abylai, äsker ärbır er azamattyŋ Otan aldyndaǧy boryşy, mındetı ekenın jete tüsınedı. Söitıp özımen bırge dosyn alyp ketudı jön sanaidy. Osylaişa, adal dostar kelısımıge kelıp, serttesıp oqularyn uaqytşa toqtatyp 1-2023 jylǧy şaqyrylymmen Keŋes Odaǧynyŋ batyry, gvardiia polkovnigı Bauyrjan Momyşūly atyndaǧy 5571 äskeri bölımıne tüsedı. Qyzyǧy, qatardaǧy qos jauynger bır uaqytta bırınşı jedel maqsattaǧy batalonǧa bırınşı rotaǧa tap bolady. Qyzmet kezınde de eŋ alǧaşqy jasaqqa da bırge tüsken.
– Bır qalada ösıp, bır äskeri bölımge tüsken ekensızder. Bızben bölıser qandai qyzyqty jaǧdailaryŋyz bar?
–Bızdıŋ basymyzdan ötken qyzyqtar eŋ alǧaşqy oqu-jattyǧu kezınen bastau aldy. Osy jerge kelıp bızdıŋ dostyǧymyz odan saiyn nyǧaia tüstı. Bır rota bolǧannan keiın künıge uaqytty bırge ötkızemız.Kädımgı bır üidıŋ balasyndai etene –jaqyn aralasyp kettık. Uaqytty ta öte paidaly ärı qyzyqty ötkızuge tyrysyp jürmız. Äsırese, äskerdegı estelıkter bızge öte qyzyq, özımızge qatty ūnap jatyr. Bır- bırımızge qoldau körsetıp jürgennen keiın de uaqyttyŋ qalai tez ötıp jatqanyn aŋǧarmai qaldyq. Oilaŋyzşy, äskerge kelgenımızge de toǧyz aidan da asypty. Sanauly künderden keiın üi-ışımızben, aǧaiyn-tuǧanmen qaita qauyşamyz, deidı qatardaǧy Rahat Usmanaliev.
– Rahattyŋ adamgerşıklık qasisetterı öte köp. Ol öte aqyldy. Kez kelgen närsenı dūrys paidalana alady. Är situasiiany basqara bıledı. Aqköŋıl, janaşyr. Ortada abyroily, adal. Tıl bailyǧy da jaqsy. Menıŋ köŋılıme eŋ jaqyn tartqan qasietı ol özı aitqan sözınde tūrady. Senımdı serık. Sol üşın de men dosymdy erekşe baǧalaimyn. Sondyqtan da men dosym üşın barlyǧyna daiynmyn. Aqtyq demım qalǧanşa adal boluǧa, kez kelgen jaǧdaida kömek beruge daiynmyn, - deidı Abylai Dınäsılov.
– Abylai, Rahat özderıŋız de joǧaryda aityp ötkendei äsker sızderdıŋ dostyq qarym-qatynastaryŋyzdyŋ nyǧaia tüsuıne sep boldy. Al, osy Ūlttyq ūlanǧa kelgelı özderıŋızdıŋ jeke qasietterıŋızde özgerıs bar ma? Äsker nenı üirettı?
– Bızge äsker şydamdylyqty, tözımdılıktı üirettı. Ülken jauapkerşılıktı sezındık. Būǧan deiın är üidıŋ balasy bolsaq, qazır halyqtyŋ balasy ekenımızdı jaqsy tüsınemız. Otan üşın, adal, abyroily qyzmet etıp jürgenımızge özımızdı maqtan tūtamyz. Däl osy bölım komandirlerıne de alǧysymyz şeksız. Bızdı naǧyz er azamat retınde ösırıp, jastarǧa patriottyq tärbienıŋ dänın seuıp yqpal etıp keledı. Bız öz Otamyzdyŋ patriotymyz!
Qazaq erte kezden –aq, qasyŋdaǧy serıgıŋe qarap senıŋ qandai adam ekenıŋdı baǧalaǧan. «Dosyŋdy körset, men senıŋ kım ekendıgıŋdı aitamyn»,-degen qanatty söz osydan şyqsa kerek-tı. Qatardaǧy Abylai Dınäsılov pen Rahat Usmanaliev ekeuıne qarap täntı bolasyŋ. Bır-bırınıŋ kem- ketık jerlerın tügendep,tolyqtyruşy. Rasymen, äsker olardyŋ dostyq qarym-qatynastaryn nyǧaita tüsken. Jaqyndarynan jyraqta jürgen qos sarbaz boryştaryn ötep, tuǧan jerge barǧannan soŋ ülken josparlar qūryp qoiǧan. Bolaşaqta da otbasylyq dostar boludy armandaidy eken.
Aiaulym Madikanova
