Qoly men aiaǧy tösekke bailanǧan jas sarbazdyŋ videosy ǧalamtordy dürlıktırdı. Jıgıttıŋ aiqaiyn estıgen, onyŋ aşu-yzasy bar jüzın körgen qoldanuşylar jas jıgıtke jyn kırdı dep şeştı, dep habarlaidy “Adyrna” ūlttyq portaly.
Belgılı bolǧandai, dür sılkındırgen beineroliktıŋ keiıpkerı şamamen bır ai būryn äskerge şaqyrylǧan 18 jastaǧy Saiat M. Jas jıgıt QR ŪQK Şekara äskerlerınıŋ qyzmetıne qabyldandy.
QR Qorǧanys ministrlıgı psihikalyq problemasy bar jıgıttıŋ äskerge, tıptı arnaiy qyzmetke ketkenı qalai bolǧanyn sūrady. Būl keleŋsızdıkke äskerge ırıkteu kezındegı jergılıktı bilık ökılderı basqaratyn şaqyru komissiiasy jauap beredı.
- Irıkteu men qabyldaudy jergılıktı atqaruşy organdar - äkımdıkter jüzege asyrady. Būl komissiianyŋ qūramynda Qorǧanys ministrlıgınıŋ ökılı müşelerınıŋ bırı ǧana bar. Äkımdıkter jürgızgen medisinalyq tekseruden keiın ŪQK Şekara qyzmetı poligrafty qoldanǧanǧa deiın taǧy da qosymşa ırıkteu jürgızedı, dep tüsındırdı QR Qorǧanys ministrlıgınıŋ baspasöz qyzmetı.
Qorǧanys ministrlıgı jergılıktı äskerge şaqyru komissiiasynyŋ müşelerı osy uaqytqa deiın naşar jūmys ıstegenı üşın olardy kınälauǧa bolmaidy dep sanaidy. Būl jerde jıgıttıŋ aurudy jasyra alatyny da joqqa şyǧarylmaidy.
Medisinalyq keŋestıŋ müşelerı, eger äskerge şaqyryluşy arnaiy esepke tırkelmegen bolsa, ol turaly bılmeuı mümkın edı, al medisinalyq tekseruden ötkende ol qajettı talaptardy oryndady jäne barlyq körsetkışterı qalypty boldy.
Onyŋ ata -anasy ūlynyŋ auyr auruy turaly medisinalyq keŋes müşelerıne eskertuge mındettı edı.
Būl arada äskeri qyzmetşınıŋ orynsyz äreketı turaly video jelıde paida bolǧan sätte Saiattyŋ esı auysqany turaly onyŋ tuystary ǧana emes, kolledjderdıŋ bırınde bırge oqyǧan gruppalastary da bıletını turaly aqparat paida boldy.
Söitıp, jıgıtterdıŋ bırı Saiattyŋ bırneşe ret esınen tanyp qalǧanyn aitty, ol kelgende jaqyn maŋdaǧy adamdardy ūra bastady. Bıraz uaqyttan keiın jas jıgıt esın jiyp, ne bolǧanyn esıne tüsıre almady.
Tergeu jūmystarynyŋ nätijesı şyǧa salysymen, sarbazdyŋ odan ärı qyzmetın jalǧastyruy nemese şyǧaryluy turaly şeşım qabyldanady.
https://youtu.be/NteG2UNETMg“Adyrna” ūlttyq portaly
