Memleket basshysy Qasym-Jomart Toqaevtyń bastamasymen qolǵa alynǵan «Taza Qazaqstan» respýblıkalyq ekologııalyq akııasy aıasynda Býrabaı kýrortyndaǵy Abylaı han alańynda respýblıkalyq ploggıng ótti.
Ploggıng eki zamanaýı tendenııany biriktiredi-salaýatty ómir saltyn qalyptasyrýdy nasıhattaý jáne qorshaǵan ortaǵa qamqorlyq. Ony jalǵyz jáne toppen jasaı alasyz: júgirýge shyqqanda, qoqys paketin ózińizben birge alyp, júgirip kele jatqanda, oǵan jol boıyndaǵy qoqystardy jınańyz. Mine, sońǵy jyldary álemniń kóptegen elderinde qyzyǵýshylyq artyp kele jatqan ploggıng Qazaqstanda da keńinen qanat jaıa bastady.
Uıymdastyrýshylardyń aıtýynsha, QR Mádenıet jáne aqparat mınıstrligi men oblystyq ishki saıasat basqarmasy birlesip ótkizgen sharanyń maqsaty – Býrabaı aýdany turǵyndary men týrısteriniń, ásirese jastardyń ekologııalyq mádenıetin arttyrý, patrıotızm qundylyqtaryn nasıhattaý, «Adal adam-Adal eńbek-Adal tabys» tujyrymdamasy negizinde tabıǵatqa, qorshaǵan ortaǵa uqypty qaraý bolyp tabylady.
Densaýlyq pen ekologııaǵa paıdaly ýaqyt ótkizý úshin Býrabaıda úsh júzge jýyq adam jınaldy, olardyń arasynda QR Mádenıet jáne aqparat mınıstrliginiń, Aqmola oblysy ákimdiginiń, azamattyq sektordyń ókilderi, «Amanat» partııasy janyndaǵy «Jastar rýhy» respýblıkalyq jastar qanaty, Qazaqstan stýdentter Alıansy, Býrabaı, Bulandy jáne Birjan sal aýdandarynyń jastar resýrstyq ortalyqtarynyń belsendileri, stýdentter men eriktiler qatysty.
Aqmola oblysynyń ishki saıasat basqarmasy basshysynyń orynbasary Jandáýlet Qylyshbaev ekologııalyq akııasyna qatysýshylardy quttyqtap, belsendilikteri úshin alǵysyn aıtty. Ol óz sózinde «Taza Qazaqstan» uzaq merzimdi akııasyna aqmolalyqtar birinshi kúnnen bastap belsendi qatysyp kele jatqanyn atap ótti.
Ploggıngke qatysýshylar eki topqa bólindi, birinshisi Abylaı han alańyndaǵy qoqystardy jınasa, ekinshisi Býrabaı kóliniń jaǵasyn qoqystan tazartty.
Jalpy, «Taza Qazaqstan» ekologııalyq akııasy bastalǵan sátten bastap Aqmola oblysynda 550-den astam eldi meken qamtylyp, birneshe júz tonna tonna jınalyp, polıgondarǵa jóneltildi. Akııanyń taqyryptyq aptalarynda tarıhı-mádenı eskertkishterdiń aýmaǵy abattandyryldy, aǵashtar men butalar otyrǵyzyldy, ózender men kólderdiń aınalasy qoqystardan tazartyldy, balalar oıyn alańdary retke keltirildi, turǵyn úıler men basqa da ǵımarattardyń qasbetteri jóndeldi.
Aqmola oblysynyń ishki saıasat basqarmasynda atap ótkendeı, sáýir aıynan bastap óńirde barlyǵy 3,5 myńǵa jýyq aýmaqty abattandyrý jáne tazalaý sharalary ótkizildi, oǵan keminde 500 myń aqmolalyq qatysty.
