WRO - 2024 halyqaralyq olımpıadasynyń Respýblıkalyq kezeńinde Taldyqorǵan qalasyndaǵy Nazarbaev Zııatkerlik mektebiniń oqýshylary úsh márte jeńimpaz atandy.
Robottar jarysy NIS Almaty bazasynda ótti. Baıqaýǵa elimizdiń túpkir túpkirinen 272 oqýshy qatysty. Eki kún boıy 136 komanda RoboMission, Future Innovators, RoboSports jáne Future Engineers sanattarynda baq synady.
6 - synyp oqýshylary Alınýr Rınatuly, Nuralı Nurjan Future Innovators Elementary sanatyndaǵy "Scorpius" Robot tazalaýshysyn kórsetti. Ázirleýshilerdiń aıtýynsha, joba qala kóshelerindegi turmystyq qoqystardy tazalaýǵa arnalǵan.
Qoqys adamzattyń mańyzdy máseleleriniń biri. Barlyq qalalardyń kóshelerinde kóptegen qoqystar bar, olar ınfekııalar men zııankesterdiń taralý ortalyǵyna aınalady. Bizdiń robot Kommýnaldyq qyzmetterge kómekke kele alady. Onyń qoqys jınaıtyn etkasy men konteıneri bar. Robot tazalaýshy prototıp satysynda, biraq qazir ol usaq qoqystardy jınaı alady, - dep túsindirdi oqýshylar.
Ormandardy qalpyna keltirý úshin avtonomdy robotty 11-12 synyp oqýshylary Inkar Qurmanbaeva men Aıym Baýyrjanqyzy qurastyrǵan. Olar Future Innovators Senior sanatynda óner kórsetti. Bir ıklde robot 60 kóshet otyrǵyza alady. Robot kez-kelgen topyraqta jumys isteı alady jáne shynjyr tabandy shassıdiń arqasynda kúrdeli relefte júre alady.
Bul joba - tolyq ólshemdi, daıyn robot, ony dál qazirr praktıka júzinde orman otyrǵyzý qajet jerlerde qoldanýǵa bolady. Robotty basqarý jasandy ıntellekt negizinde avtonomdy túrde júzege asyrylady, — deıdi ázirleýshiler.
Aıta ketsek, bul joba tek aǵash otyrǵyzyp qana qoımaı, ormannyń qalaı ósetini týraly boljam jasaıdy, sonymen qatar tabıǵatty qoqystardan tazartady. Eger qoqys tabylsa, robot avtomatty túrde manıpýlıatordyń kómegimen qoqysty jınaıdy.
10 - synyp oqýshylary Serjan Qadylbek, Aqnıet Moldakerimov Future Innovators Junior sanatynda joǵary pılotajdy kórsetti.
Zııatkerler qutqarý robot qaıyǵyn jasady. Joba katamaran qaıyǵynyń prototıpi bolyp tabylady, ol jasandy ıntellekt arqyly qıyndyqta qalǵan adamdardy avtomatty túrde taba alady jáne jyljymaly baspaldaqtar arqyly olardy sýdan nemese shatyrdan shyǵaryp qutqara alady. Qaıyqtyń bortynda alǵashqy kómek quraldary bar.
Osy kóktemde Qazaqstan buryn-sońdy bolmaǵan sý tasqynyna tap boldy, kóptegen eldi mekender tolyǵymen sý astynda qaldy. Robot sý basqan eldi mekenderdi avtonomdy túrde kúzetip, adamdardy qutqara alady, — dep qorytyndylady joba avtorlary.
Aıta ketsek, «Nazarbaev Zııatkerlik mektepteri» DBBU – 2014 jyldan beri World Robot Olympiad halyqaralyq robototehnıka olımpıadasynyń Qazaqstandaǵy Ulttyq uıymdastyrýshysy. 10 jyl ishinde NIS elimizdegi robototehnıka salasynyń damýyna jáne otandyq komandalardyń halyqaralyq deńgeıdegi jetistikterine aıtarlyqtaı úles qosty.
