Kókshetaý qalasynda jazǵy Olımpıada jáne Paralımpıada oıyndarynan oralǵan Aqmola sportshylaryn qurmetteýge arnalǵan saltanatty is-shara ótti.
Jınalǵandar aldynda sóz sóılegen Aqmola oblysynyń ákimi bıylǵy jyly jazǵy sport túrlerinen Paralımpıadalyq oıyndarǵa qatysý bizdiń oblysymyz úshin tarıhı oqıǵa bolǵanyn atap ótti.
«Sizderdiń jeńisterińiz - batyldyq pen sheksiz adamı múmkindikterdiń aıqyn kórinisi. Ol kóp jylǵy eńbektiń, erik-jigerdiń jáne ómirlik qıyndyqtardan bas tartpaý qabiletiniń nátıjesi. Memleket osy mańyzdy salaǵa jan-jaqty qoldaý kórsetedi. El Prezıdenti Qasym-Jomart Toqaev Olımpıada oıyndaryna qatysýshylarmen kezdesýde sport salasyndaǵy negizgi mindetter men basymdyqtardy tujyrymdady. Bolashaqta biz alǵa qoıǵan maqsattarǵa jetý úshin jumys isteıtin bolamyz. Qazaqstandyq sporttyń bolashaǵy sizderdiń árqaısylaryńyzǵa baılanysty», - dedi M.Ahmetjanov.
Is-shara barysynda Paralımpıadanyń eki dúrkin chempıony Davıd Degtıarevke 3 bólmeli páterge jáne aqshalaı syıaqyǵa, kúmis medal ıegeri Erkin Ǵabbasovqa 2 bólmeli páterge jáne aqshalaı syıaqyǵa sertıfıkattar tabys etildi. Sondaı-aq, jattyqtyrýshylar Iýrıı Kolesnıkov pen Mýslım Sársembekovke aqshalaı sertıfıkattar berildi.
Óz kezeginde sportshylar kórsetilgen qoldaýǵa alǵys aıtyp, joǵary jetistikterge jetýge ýáde berdi.
Esterińizge sala keteıik, Davıd Degtıarev 54 kelige deıingi sanattaǵy paýerlıftıng boıynsha Parıjdegi 2024 jylǵy Paralımpıada oıyndarynyń jeńimpazy atandy. Erkin Ǵabbasov 10 metr qashyqtyqqa pnevmatıkalyq myltyqtan oq atýdan jarystyń fınalynda kúmis medal jeńip aldy.
