Aqmola oblysynda oqýshylar úshin tamaqtaný uıymdastyrylýy tıis 524 memlekettik jalpy bilim beretin mektep jumys isteıdi. Búgingi tańda 491 mektepte ystyq tamaq, 33 mektepte ashanalardyń joqtyǵynan, sondaı-aq kontıngent sanynyń azdyǵynan - býfettik tamaq uıymdastyryldy. Al ystyq jáne býfet jıyntyǵynda oblys boıynsha tamaqpen qamtý 100% quraıdy.
2016 jyldan bastap oblysta 45 mektep ashanasy MJÁ sheńberinde senimgerlik basqarýǵa berildi, olardyń negizgi bóligi oblys ortalyǵynyń mektepterine tıesili. 97 mektepte azyq-túlik jetkizýshileri konkýrs boıynsha anyqtaldy, 376 mektep shtattyq aspazdary bar tamaqtanýdy óz betinshe uıymdastyrady.
2024-2025 oqý jylynda mektepterdiń as bloktarynyń ystyq tamaqty uıymdastyrý sapasyna jáne sanıtarlyq - epıdemıologııalyq talaptardyń saqtalýyna monıtorıng júrgizý úshin oblystyq bilim basqarmasy, QR DSM sanıtarlyq-epıdemıologııalyq baqylaý komıtetiniń Aqmola oblysynyń sanıtarlyq-epıdemıologııalyq baqylaý departamenti jáne Aqmola oblysynyń kásipkerler palatasy birlesken buıryq jasady.
«2024 jyldyń 9 qyrkúıegi men 20 qyrkúıegi aralyǵynda chek paraǵyna sáıkes halyqtyń sanıtarlyq-epıdemıologııalyq salaýattylyǵyn qamtamasyz etý jáne tamaqtan ýlanýdyń aldyn alý maqsatynda mektep ashanalaryn tekserý bastaldy. Qazirgi ýaqytta bilim bólimderiniń aýdandyq vedomstvoaralyq saraptamalyq toptary aýdandyq sanıtarlyq-epıdemıologııalyq baqylaý basqarmalarymen birlesip 44 mektepte monıtorıng júrgizdi. Sondaı - aq mektep ashanalaryna 154 mektep brakerajdy komıssııasy tekserý júrgizdi», - dedi óńirdegi bilim basqarmasynyń mektepke deıingi jáne jalpy orta bilim berý bóliminiń bas mamany Baqytjan Tutkabaeva.
