Baıqaýǵa Aqmola oblysynyń 13 ónerli otbasylary qatysty. Gran-prı ıegerleri Qosshy qalasynyń Jaıbýsınovtar otbasy Nurǵısa Tilendıevtiń “Ata tolǵaý” kúıin dombyra, bas dombyra, syrnaı, syldyrmaq, shańqobyz jáne trıangl syndy aspaptarymen sátti oryndap shyǵyp, kórermender kózaıymyna aınaldy.
1 oryn atanǵan Aqkól aýdanynan Qurmetbekter otbasy jetigen, qobyz, dombyra, tuıaq jáne asataıaq aspaptarymen qazaq halqynyń kúılerin oınap kózge tústi.
2 oryndy Astrahan aýdanynan Ermahanovtar otbasy ıelense, Ereımentaý aýdanynan Nurǵalıevtar jáne Atbasar aýdanynan Kryjnyı otbasylary (Atbasar aýdany) 3 orynǵa laıyq dep tanyldy. Januıalarynyń barlyq músheleri qosylyp án shyrqap, ónerlerin ortaǵa saldy.
Aqmola oblysy mádenıet basqarmasynyń basshysy A.Sábıtova “Birligi jarasqan, berekeli, shyǵarmashyl otbasylardy dáripteý, kásibı ósýlerińiz ben shyǵarmashylyqtaryńyzǵa qoldaý kórsetý, otbasy ınstıtýtyn nyǵaıtý jáne damytý maqsatynda “Ónerli shańyraq” baıqaýy 7 jyl boıy dástúrli túrde ótkizilip keledi”- dep, atalmysh sharaǵa belsendi qatysqan ár otbasy múshelerine rızashylyǵyn bildirdi.
Atalmysh baıqaýdyń barlyq qatysýshylary dıplomdarmen jáne aqshalaı sertıfıkattarmen marapattaldy.
