Bügın - sauda qyzmetkerlerı künı, dep habarlaidy “Adyrna” ūlttyq portaly.
Jyl saiyn şıldenıŋ törtınşı jeksenbısınde atalyp ötıletının būl mereke osy salada eŋbek sıŋırıp jürgen sauda qyzmetkerlerın qūrmetke bölep keledı.
Käsıbi merekege orai Sauda jäne integrasiia ministrı Arman Şaqqaliev barşa käsıpkerlerdı qūttyqtady.
“Qūrmettı sauda qyzmetkerlerı! Sızderdı bügıngı käsıbi mereke - sauda qyzmetkerlerı künımen şyn jürekten qūttyqtaimyn! Sauda – är eldıŋ ekonomikasyndaǧy, halyqaralyq qatynastaǧy maŋyzdy sala. Sauda jäne integrasiia ministrlıgı özınıŋ qysqa tarihynda tabandy jäne nätijelı eŋbek etıp, el Ükımetı tarapynan qoiylǧan mındettı mejelerge qol jetkızıp keledı. Nebärı 5 jyldyŋ ışınde ışkı sauda ainalymy 60 paiyzǧa artty. Al syrtqy tauar ainalymy 43 paiyzǧa östı. Tauarlar eksporty 2023 jyly 35 paiyzǧa ūlǧaidy. Qazır sauda salasynda bır jarym millionnan astam qazaqstandyq qyzmet etedı. Bızdıŋ ministrlık qūrylǧannan berı otandyq kompaniialar men öndıruşıler elektrondy sauda tetıkterın meŋgerıp, älemdık elektrondy sauda alaŋdaryna şyǧa bastady. Sonyŋ arqasynda osy salada qyzmet etetın azamattardyŋ sany östı. Äleumettık maŋyzy bar azyq-tülık baǧalaryn tūraqtandyruda tiımdı şeşımder qabyldanyp, baǧa monitoringı qalyptasty. Sonyŋ nätijesınde elımızde soŋǧy 8 jylda baǧa defliasiiasy tırkeldı. Jaqynda bolǧan Qytai basşysynyŋ elımızge sapary aiasynda Qytaimen sauda-yntymaqtastyq turaly maŋyzdy qūjatqa qol jetkızdık. Būl qūjat älemdegı alpauyt derjavamen aşyq sauda jasauǧa mümkındık bere otyryp, älemdık arenada Qazaqstannyŋ sauda-sattyq potensialynyŋ joǧary ekenın däleldei tüstı. Osy oraida İranmen, Singapurmen jäne Serbiiamen maŋyzdy erkın sauda kelısımderın jasaǧanymyzdy da aita ketken abzal. Älemdık ekonomika bır ornynda tūrmaidy. Sondyqtan sauda salasyn ärı qarai damytu, saladaǧy körsetkışterdı eseleu, jaŋa tendensiialarǧa sai jūmys jürgızu, elımızdıŋ sauda saiasatyn myǧymdau,saudanyŋ äleuetın arttyru – aldymyzda tūrǧan ülken mındet. Al eldık mındettı eşkım jalǧyz atqarmaidy. Mūndai jügı auyr jauapkerşılıktı sızdermen bırge atqaramyz. Osyndai aituly künde barşa sala qyzmetkerlerıne degen zor rizaşylyǧym men alǧysymdy bıldıruge rūqsat etıŋızder. Denderıŋızge saulyq, mūqalmas erık-jıger, otbasyŋyzǧa baq-bereke tıleimın! Käsıbi mereke qūtty bolsyn!” - dedı ministr öz jazbasynda.
Ūqsas jaŋalyqtar
