Qazaqstanda aqbókenderdi soıatyn jeti et kombınaty anyqtaldy. Bul týraly Aýyl sharýashylyǵy mınıstri Aıdarbek Saparov aıtty, dep habarlaıdy «Adyrna» ulttyq portaly.
«Jalpy, kıikpen Ekologııa mınıstrligi aınalysatynyn bilesizder. Taıaýda ǵana et kombınattary aınalysatyny týraly sheshim qabyldanǵan bolatyn. Ańshylyq sharýashylyǵy da aınalysady. Aýyl sharýashylyǵy mınıstrligi retinde bizdiń jumysymyz – veterınarlyq qaýipsizdikti qamtamasyz etý», - dedi mınıstr Úkimet otyrysynan keıingi baspasóz máslıhatynda.
Onyń sózinshe, kıik eti jetkiziletin et kombınattary anyqtalǵan.
«Biz jeti et kombınatyn anyqtadyq. Ol jerde veterınarlar bar. Olar ónim sapasynyń tolyq saı keletindigin anyqtap, veterınarlyq qaýipsizdikke jaýap beredi. Al qaıda ótkizip, satatyndyǵymyzǵa baılanysty monıtorıng júrgizip jatyrmyz. Ony keıin qosymsha habarlaımyz», - dedi Aıdarbek Saparov.
«Adyrna» ulttyq portaly
