Ǧylym jäne joǧary bılım ministrı Saiasat Nūrbek «Almaty Hostel»-degı örtke qatysty pıkır bıldırdı, dep habarlaidy “Adyrna” ūlttyq portaly.
Ministrdıŋ aituynşa, Universitetter jalǧa alǧan hostelderde ört qauıpsızdıgı saqtalǧan.
«Osy apatta 2 studentımızden aiyrylyp qaldyq. Olardyŋ bırı Kaspii qoǧamdyq universitetınde bılım alsa, ekınşısı Euraziia tehnologiialyq universitetınıŋ studentı. Apattyŋ sebebı men saldary mūqiiat tekserılu üstınde jäne osyǧan bailanysty tiıstı şaralar qabyldanatyn bolady. Tamyz aiynda menıŋ būiryǧymmen JOO rektorlaryna studentterdı hostelderge ornalastyru turaly tapsyrma berılgen bolatyn. Hostelderde studentterden özge eşkımnıŋ tūrmauyn bız erekşe nazarǧa aldyq jäne de hostelderde qūzyrly oryndamen bırlesıp, sanitarlyq-tazalyq jūmystary men örtke qarsy tehnikalyq qauıpsızdıktı küşeittık. Bügıngı künge deiın universitettermen kelısımşart ornatqan hostelderde eşqandai keleŋsız jaǧdailar bolmaǧanyn jetkızgım keledı», - dedı ministr.
Almaty qalasynyŋ joǧary oqu oryndary atalǧan hostelmen studentterdı ornalastyruǧa kelısımşart jasaspaǧan. Bügıngı taŋda JOO-lar 87 nysandy (qonaqüiler men hostelder) jalǧa alǧan.
Ūqsas jaŋalyqtar
