Úkimet «Mass-medıa týraly» zań jobasy arqyly jýrnalıstke «artyqshylyq» beretin press-karta engizýge qulshynyp otyr. Alaıda jýrnalısterdiń arasynda baspasóz kartasyna qarsy azamattar kóp. Tórtinshi bılik ókilderine press-karta kerek pe, joq álde sóz bostandyǵy kerek pe?
Bul suraq Mádenıet jáne aqparat mınıstri Aıda Balaevaǵa qoıyldy. Naqtyraq aıtsaq «Jýrnalıstke press-kartadan qaraǵanda sóz bostandyǵy berilý kerek sekildi. Eger sóz erkindigi berilse bizge press-karta sekildi artyqshylyqtar kerek emes. Jýrnalıster qalamaı otyrǵan talapty qabyldaýǵa sizder nege kúsh salyp otyrsyzdar?» degen suraqqa mınıstr jaýap berdi.
- Eshkim kúsh salyp otyrǵan joq. Men jańa biz qoǵamnyń turaqty damýyna múddelimiz dep aıttym ǵoı. Sondyqtan jýrnalıster tarapynan qabyldamaı, ony «durys emes» dep jatsańyzdar, biz sizderdiń pikirlerińizdi syılaımyz, ony eskeremiz. Bul jerde úzildi-kesildi osy másele sheshildi degen sóz joq. Qazir biz depýtattarmen talqylap jatyrmyz. Biz osy dástúrli akkredıtaııany qaldyrýymyzǵa bolady, bul bizge eshqandaı zııan keltirmeıdi. Zań jobasyn biz áli talqylaımyz. Oǵan qadalyp, belden basyp jasaımyz dep jatqan eshkim joq bul jerde, – dedi ol.
Jýrnalıstiń «Parlamenttegi kópshilik depýtattar zańdy qabyldap jiberýi múmkin ǵoı...» degen suraǵyna Mınıstr kúlip jiberdi.
- Ony talqylaımyz. Ol jerde qoldaıtyn da, qoldamaıtyn da azamattar bar. Sondyqtan da sizderdiń de, osy salada istep júrgen mamandardyń da, depýtattar men qoǵamnyń da pikiri eskeriletin bolady, – dedi mınıstr.
Serik Joldasbaı
«Adyrna» ulttyq portaly
