Kólik mınıstri Marat Qarabaev kólik júrgizýshilerdiń jetpeı jatqanyn aıtty, dep habarlaıdy "Adyrna" tilshisi.
Mınıstr Qonaev qalasynda turǵyndarymen kezdesti.
Jıyn barysynda Jolaýshylar tasymalymen aınalysatyn óńirlik kásiporyndardyń ókilderi de birqatar saýaldardy joldady. Sonyń biri - avtobýs júrgizýshileri úshin qajetti jumys ótilin azaıtýdy jáne D sanatyndaǵy júrgizýshi kýáligin alý úshin jas kórsetkishin tómendetý. Iaǵnı, avtobýs júrgizýshisi mamandyǵy boıynsha oqıtyndardyń sany 20 esege azaıǵan.
Mınıstr Qarabaev bul máselelerge qatysty 2024 jyldyń birinshi jarty jyldyǵynda sheshim qabyldaý josparlanǵany týraly aıtyp berdi. Alaıda Májilistegiler mınıstrdiń bastamasyn qoldamaǵan bolyp shyqty.
Biz birinshi jartyjyldyqta Májilis bul ózgertýlerge qoldaý kórsetse, tamyz aıyna deıin másele túbegeıli sheshiledi dep úmittenemiz. Atap aıtqanda, jas kórsetkishi 23 jasqa deıin azaıyp, D1 sanaty úshin júrgizýshi ótiline qoıylatyn talap 3 jyldan 1 jylǵa deıin tómendeıdi. Álbette, munymen másele tolyqtaı sheshilmeıdi, degenmen alǵysharttary bar. Taldaý jumystary kórsetip otyrǵandaı, 2014 jylǵa deıin D sanaty boıynsha 3 jyl kóleminde 84 myń adam oqyǵan. Talaptar qatańdatylǵannan keıin avtobýs júrgizýshisi biliktiligi boıynsha oqıtyndardyń sany 4 myń adamǵa deıin qysqartylǵan. Bul óte az. Atalǵan kórsetkishterdi kórsetken kezde halyq qalaýlylary da túsinistik tanytyp, qoldaý kórsetti, - dep jaýap berdi mınıstr.
