Mädeniet jäne aqparat ministrı Aida Balaeva BAQ ökılderın ıs-şaralarǧa tırkeudıŋ jaŋa tärtıbıne qatysty tüsınıkteme berdı. Būl turaly ol Facebook paraqşasynda jazdy, dep habarlaidy “Adyrna” ūlttyq portaly.
«Jalpy atalǧan qūjat jobasy qoldanystaǧy erejelermen salystyrǧanda asa köp özgermegen. Mysaly, akkreditteuden bas tartu negızderı turaly erejelerge toqtalsaq. Būl BAQ-tyŋ jūmys ısteuın uaqytşa toqtatu nemese müldem jabu jäne resmi reestrde tırkelmegenı turaly sot şeşımı küşıne engen jaǧdaida ıske asady», - dep jazdy Aida Balaeva.
Odan ärı ministr jurnalistter arasynda eŋ köp sūraq tudyrǧan jaŋa erejenıŋ 10-tarmaǧyna, atap aitqanda BAQ ökılderı saqtauy tiıs talaptarǧa toqtaldy.
Bırınşıden, kez kelgen jurnalist qai BAQ atynan akkreditasiiadan ötse, sol redaksiiaǧa ǧana aqparatty jinap, jariialai alady. Alaida jurnalistke bırden bırneşe BAQ atynan akkreditasiia aluǧa eşkım tyiym salmaidy.
Ekınşıden, būl talap belgılı bır oqiǧaǧa/ıs-şaraǧa qatysty jurnalisterdıŋ jeke pıkırlerı men ūstanymdaryn äleumettık jelılerdegı jeke paraqşalaryna bıldıruge qatysy joq.
Üşınşıden, reglament mäselesıne keletın bolsaq, qoldanystaǧy erejelerde qazırdıŋ özınde ıs-şaraǧa qatysuşylardyŋ taqyrypty, uaqyt tärtıbın, qoǧamdyq tärtıptı saqtauyn jürgızuşı (iaǧni, ıs-şara moderatory) qamtamasyz etetını qarastyrylǧan.
AQŞ pen Europalyq Odaqtyŋ jäne halyqaralyq ūiymdardyŋ halyqaralyq täjıribesı körsetkendei, belgılengen erejelerdı, sondai-aq zaŋnamany būzǧan jaǧdaida jurnalist ıs-şaralarǧa qatysu qūqyǧynan jäne akkreditasiiadan aiyrylady. Mysaly, Europarlamenttegı BAQ qyzmetın retteitın erejede tüsırılımge rūqsat etılgen arnaiy oryndar qataŋ türde belgılengen.
Törtınşıden, erejede ärbır memlekettık organnyŋ nemese ūiymnyŋ belgılı bır ıs-şaranyŋ reglamentın özı bekıtetındıgı körsetılgen. Būl rette ministrlık uäkılettı organ retınde aqparatqa qoljetımdılık qaǧidattaryn jäne jurnalisterdıŋ erekşe märtebesın saqtau mäselelerı boiynşa atalǧan reglamenttı äzırleu boiynşa tiıstı ūsynystaryn jıberetın bolady.
Besınşıden, erekşe maŋyzdy memlekettık obektılerge kıru jäne sol mekemelerdegı rejimderdı ūstanu da qoldanystaǧy zaŋnamany saqtau men qauıpsızdıktıŋ ainymas bölıgı.
«Qorytyndylai kele, aqparatqa qoljetımdılıktı qamtamasyz etu men jurnalisterdıŋ märtebesın arttyru – ärqaşan ministrlık qyzmetınıŋ basty basymdyǧy ekenın taǧy da jetkızgım keledı», - deidı Aida Balaeva.
Eske sala keteiık, Memleket basşysy 19 mausymda «Mass-media turaly» zaŋǧa qol qoidy.Ūqsas jaŋalyqtar
