QR Parlamenti Májilisinde QR eńbek sińirgen jattyqtyrýshysy, depýtat Dáýlet Turlyhanov eldegi turmystyq zorlyq-zombylyq týraly qoıylǵan jýrnalıstiń suraǵyna ashýmen jaýap berdi, dep habarlaıdy "Adyrna" portaly.
Kadr syrtyndaǵy tilshi Turlyhanovtan qazaqstandyq er-azamattardyń áıelderin uryp soǵýǵa, ákelerinen alǵan tárbıesi áser ete me, dep surady. Suraqtan keıin depýtat ashýǵa boı aldyrdy:
«Al siz ózińiz osyǵan kelisesiz be? Siz kelisesiz be? Qandaı aqymaq suraq?» – dep bastady sózin Turlyhanov.
«Iá, men bul málimdememen kelisemin», - dep jaýap berdi jýrnalıst.
«Jaraısyń, jaraısyń. Qandaı suraqtar mynaý? Endi mundaı suraqtarmen maǵan kelmeńizder", dedi ol agressıvti túrde.
Jýrnalıst Turlyhanovqa onyń mundaı agressıvti minez-qulqynyń sebebin túsinbeıtinin, óıtkeni áńgime elimizdegi kúrdeli másele – turmystyq zorlyq-zombylyq týraly ekenin aıtty.
Depýtat bul suraqqa jaýap bermedi, tek «endi oǵan jaqyndamaýdy» ótindi. Odan ári Turlyhanov oǵan aqymaq suraqtar qoıyp jatqanyn taǵy da agressıvti túrde aıtty.
Esterińizde bolsa, Turlyhanovtyń uly birneshe aıdan beri janjaldyń ortasynda júr. Barlyǵy osy jyldyń aqpan aıynda bastalǵan. Almatyda Nurasyl Bolat almatylyq zańger-erli-zaıyptylar Anna Dımıtrıevıch pen Oleg Chernovqa shabýyl jasady. Oqıǵa qaladaǵy mekemelerdiń birinde jas jigit óziniń qurbysyn advokattardyń kózinshe urǵannan keıin oryn alǵan. Advokattar jábirlenýshini jaqtap, tóbeleske ózderi de qatysty.
Posmotret etý pýblıkaııý v Instagram
