Mádenıet jáne aqparat mınıstri Aıda Balaeva Álı Oqapovtyń «Qurmet» ordenimen marapattalýyna qatysty pikir bildirdi, dep habarlaıdy «Adyrna» tilshisi.
«Anasynyń tanymaldylyǵyna baılanysty kópshilik Álı Oqapovtyń shyǵarmashylyǵyna kúmánmen qaraıdy. Biraq men kóp jyldar boıy jas ónerpazdardyń shyǵarmashylyq joly men damýyn muqııat qadaǵalap kelemin. Álıdiń de anasy sııaqty naǵyz eńbekqor ekenin aıtqym keledi. Ol — sahna sheberi, óz kórermenine úlken qurmetpen qaraıtyn joǵary bilimdi, talantty ónerpaz. Álı de Roza Qýanyshqyzy sııaqty patrıot. Bir adamnyń boıynan osyndaı qasıetterdiń tabylýy sırek kezdesetin jaǵdaı dep oılaımyn»,– dedi ol.
Mınıstr mýzykantty naǵyz eńbekqor adamynyń úlgisi dep sanaıtynyn aıtty. Balaevanyń pikirinshe, adal eńbek árqashan joǵary baǵalanýy tıis.
«Baǵa berer kezde ártistiń shyqqan tegine qaramaı, ádil bolýymyz kerek. Álı Oqapovtyń marapaty jastarymyzǵa úlgi bolyp, olardy yntalandyrady»,—dedi Aıda Balaeva.
Eske salaıyq, buǵan deıin
Álı Oqapovtyń jelidegi synnan keıin barlyq marapatynan bas tartatynyn aıtqan edi.
