Bilim grantyna ótinish berýdiń birinshi kúni 14 myńǵa jýyq qujat qabyldandy, dep habarlaıdy "Adyrna" tilshisi.
Jas túlekter men ata-analar alǵashqy kúnnen bastap bilim berý grantyna jappaı ótinim bere bastaǵan. Qujattardy qabyldaý eGov arqyly onlaın formatta, joǵary oqý oryndarynyń qabyldaý komıssııalary arqyly oflaın formatta júzege asyrylyp jatyr.
Ǵylym jáne joǵary bilim mınıstrligi qujattardy kez kelgen JOO arqyly tapsyrýǵa bolatynyn málimdedi.
"Otandyq joǵary oqý oryndaryna oqýǵa túsý úshin talapkerler jeke kýálik, UBT sertıfıkaty, 3h4 kólemindegi foto, orta bilim týraly attestat (tehnıkalyq pen kásiptik bilim berý (TjKB) uıymdarynyń túlekteri úshin dıplom), sondaı-aq, jeńildetilgen sanat boıynsha konkýrsqa qatysý úshin rastaıtyn qujattar usynady", – delingen mınıstrlik málimdemesinde.
