«Taza qaladan jasyl planetaǧa deiın». Kurchatov qalasynda osyndai ataumen respublikalyq «Taza Qazaqstan» ekologiialyq aksiiasynyŋ «Jasyl aimaq» aptalyǧy öttı.
Jastar resurstyq ortalyǧynyŋ direktory Aijan Mūsataeva «Jasyl aimaq» aptalyǧynyŋ bırınşı künınde jastar men mekemeler ūjymdary ǧana emes, zeinet jasyndaǧy ardagerler de senbılıkke kelgenın aitty. Kurchatovtyqtar köşelerdı, skverlerdı, saiabaqtardy jäne basqa da qoǧamdyq oryndardy abattandyru barysynda aǧaş tüpterın äkteu jūmystaryn jürgızdı. 42 ūiym men käsıporyn ökılderı tehnikanyŋ küşımen qalany 40 tonna qoqystan tazartty.
Aksiia bastalǧaly tabiǧat janaşyrlary tarihi-mädeni eskertkışterdıŋ aumaǧyn tazartty. Bır künde 1000-nan astam belsendı tūrǧyndar Kurchatov qalasyn tazalauǧa qatysty.
— Jastarymyz öz elınıŋ patriottary retınde osy aksiiaǧa belsendı qatysyp jatyr. Apta saiyn ötetın senbılıkterge qatysu arqyly qalamyzdyŋ ǧana emes, bükıl elımızdıŋ ekologiiasyn jaqsartuǧa atsalysa alatynymyzǧa senımdımın, - deidı Aijan Mūsataeva.
- Qalamyzdaǧy senbılık şaralaryna jastardyŋ belsendı qatysyp jatqany quantady. Ärine, bız, ardagerler de, qalyspauǧa tyrysamyz. Öitkenı qorşaǧan ortaǧa qamqorlyq — būl bızdıŋ bolaşaq ömırımızge qamqorlyq. Küş-jıgerımızdı bırıktıre otyryp, qorşaǧan ortany qoqystan tazartyp, kögaldandyryp, Jer şaryn taza ärı jasyl planetaǧa ainaldyruǧa atsalysamyz, - deidı ardagerler keŋesınıŋ töraǧasy Ǧalymjan Jūmadılov.
