Bügın Aqmola oblysynyŋ Burabai memlekettık ūlttyq tabiǧi parkınde jäne Zerendı audanynda «Taza Qazaqstan» ekologiialyq bastamasy aiasynda aksiialar öttı. Burabaida respublikalyq «Mädeni mūrany bırge saqtaiyq» aksiiasy, al Zerendı audanynda «İgı ıster künı» ūiymdastyryldy.
Burabai memlekettık ūlttyq tabiǧi parkınde respublikalyq aksiiaǧa qatysuşylar Ülken Şabaqty kölınıŋ maŋyndaǧy aumaqty tazalady. Is-şara Mädeniet jäne aqparat ministrlıgınıŋ, Azamattyq bastamalardy qoldau ortalyǧynyŋ jäne Qazaqstannyŋ Azamattyq aliansynyŋ qoldauymen öttı.
Aksiiaǧa volonterler, ekologiialyq infliuenserler, azamattyq qoǧam ökılderı, «MADENI MURA» klubynyŋ müşelerı, sondai-aq Burabai audanynyŋ «Jasyl el» eŋbek jasaǧy men respublikalyq «Jasyl el» ştabynyŋ ökılderı qatysty.
Al Zerendı audanynda ekologiialyq ıs-şaralar barlyq eldı mekenderde öttı. «İgı ıster künı» aiasynda tūrǧyndar, memlekettık mekeme qyzmetkerlerı, qoǧamdyq ūiymdardyŋ ökılderı men belsendı azamattar aumaqtardy sanitarlyq tazartu jäne abattandyru jūmystaryn jürgızdı.
Aksiiaǧa barlyǧy 300-ge juyq adam qatysty. Jūmystardy jürgızuge 10 arnaiy tehnika jūmyldyryldy. Eldı mekenderden 15 tonna qoqys pen tūrmystyq qaldyq şyǧaryldy. Köşeler, qoǧamdyq oryndar, aulalar jäne bekıtılgen aumaqtar tazartyldy.
Aita keteiık, Zerendı auylynda ekologiialyq aksiiaǧa 90 adam qatysty. Mūnda köşeler men bekıtılgen aumaqtar tazartylyp, bır tonnaǧa juyq qoqys jinalyp, şyǧaryldy.
Jalpy, atalǧan aksiialar Aqmola oblysynda «Taza Qazaqstan» qaǧidattaryn ıske asyruǧa baǧyttalǧan jüielı jūmystyŋ bır bölıgı boldy. Bastamalar tūrǧyndardyŋ ekologiialyq mädenietın arttyryp, qorşaǧan ortaǧa jauapkerşılıkpen qarau közqarasyn qalyptastyruǧa baǧyttalǧan.
