Prezidenttıŋ joldauy ädılettı Qazaqstan qūruǧa jol aşady

54
Adyrna.kz Telegram
https://adyrna.kz/storage/uploads/kCF9DCg4OBETi7Otc7lCgWIplPqt3SGYunlCECRe.jpg

Prezident Qasym-Jomart Toqaevtyŋ joldauy elde jürgızılıp jatqan reformanyŋ jüielılıgın körsetıp, memlekettık saiasat azamattardyŋ müddesıne baǧyttalǧan ädılettı Qazaqstan qūru mındetın saqtap otyr.

 Memleket basşysynyŋ joldauyndaǧy negızgı baǧyttarǧa pıkır bıldırgen saiasattanuşy Janerke Qairatqyzy osylai dep mälımdedı.

Sarapşynyŋ pıkırınşe, joldaudyŋ maŋyzdy erekşelıktıŋ bırı – būǧan deiın belgılengen mındetterdıŋ sabaqtastyǧy. Prezident ūsynǧan jaŋa bastamalar el damuynyŋ strategiialyq baǧytyn özgertpeidı, kerısınşe, olar bastalǧan reformalardy odan ärı jalǧastyruǧa baǧyttalǧan.

«Men prezident saiasatynyŋ jüielılıgın atap öter edım. Būl jüielılık joldaudan da aiqyn körınedı. Bız būǧan deiın alǧa qoiǧan mındettı jüzege asyryp jatyrmyz. Būl – ädılettı Qazaqstan qūru. Osy maqsatqa jetu üşın qajettı şaralar qabyldanady», – dedı Janerke Qairatqyzy.

2026 jylǧy 28 qazandaǧy joldauynda memleket basşysy el damuynyŋ ūzaq merzımdı basymdyqtaryn taǧy da aiqyndady. Atap aitqanda, saiasi jäne äleumettık-ekonomikalyq reformalardy jalǧastyru, memlekettık basqaru jüiesın jetıldıru men halyqtyŋ äl-auqatyn arttyru mäselesıne basymdyq berıldı. Būl rette jürgızılıp jatqan özgerısterdıŋ tüpkı nätijesı qazaqstandyqtardyŋ ömır süru sapasyn jaqsartu boluy tiıs.

Saiasattanuşy atap ötkendei, memlekettık saiasattyŋ jüielılıgı erekşe maŋyzǧa ie. Öitkenı būl reformalardyŋ bıryŋǧai baǧytyn saqtap, būryn belgılengen mındetterdı kezeŋ-kezeŋımen jüzege asyruǧa mümkındık bermek.

«Jaǧdai özgergen saiyn alǧa qoiǧan mındettı özgerte bermeitınımızdı tüsınu kerek. Bız bır maqsatqa – ädılettı Qazaqstan qūruǧa bet alyp bara jatyrmyz. Menıŋ oiymşa, būl maqsat halyqty ūiystyra tüsedı», – deidı sarapşy.

Janerke Qairatqyzynyŋ baǧalauynşa, memleket basşysynyŋ joldauyndaǧy maŋyzdy basymdyqtyŋ bırı – reformalardyŋ ortaq baǧytyn saqtau.

 Sonymen qatar belgılengen mındetterdı odan ärı jüzege asyru eldegı barşa azamattyŋ müddesımen tyǧyz bailanysty boluy tiıs.

Pıkırler