BQO Tötenşe jaǧdailar departamentı ūsynǧan aqparat boiynşa Jaiyq özenın jaǧalai ornalasqan Oral qalasy men Börlı, Bäiterek, Terektı, Aqjaiyq audandarynda 84 eldı meken bar.
Börlı audanyndaǧy 9 eldı mekennıŋ ekeuınde ǧana su basu qaupı joq. Al Jarsuat, Dimitrovo, Priuralnyi, Oblavka, Bumaköl, Börlı, Qanai, Daniiaköl sekıldı qalǧan jetı auylda jaǧalaudy bekıtu jūmystary jürgızılude.
Bäiterek audanyŋ 20 auyly Jaiyq boiynda ornalasqan bolsa sonyŋ altauynda su basu qaupı joq dep sanalǧan. Özendı jaǧalai ornalasqan 14 auylda tasqynnyŋ aldyn alu jūmystary qarqyndy jürgızılude.
Terektı audanynda 7 eldı meken su basu qaupı bar aimaqta ornalasqan bolsa, 12 auylǧa qauıp tönıp tūrǧan joq. Būl audanda da barlyq saqtyq şaralary qolǧa alynuda.
Aqjaiyq audanynyŋ 31 eldı mekenı Jaiyq özenı boiynda ornalasqan bolsa, sonyŋ 6 auylyna qauıp joq. Qalǧan eldı mekender su tasqynyn qauıpsız ötkızu üşın barlyq saqtyq şaralary jasaluda.
Oblys ortalyǧy men üş şaǧyn audandarynda da su basu qaupı töngen. Su tasu qaupı bar Zachagansk, Kruglozernyi, Jelaev auyldarynda özen jaǧalaularyn bekıtu jūmystary qarqynda jürgızılude.
Jalpy köktemgı su tasqynynyŋ aldyn alu maqsatynda oblys aumaǧynda 56,1 şaqyrym uaqytşa valdar soǧylyp, 60 myŋǧa juyq topyraq toltyrylǧan qaptar salynǧan.
