AQŞ-tyŋ Tehas ştatyndaǧy Kerr okrugınde bolǧan joiqyn su tasqynynan 24 adam qaza tapty. Sondai-aq, 20-dan astam bala joǧalyp kettı. Olar Camp Mystic jazǧy lagerınde demalyp jatqan, dep habarlaidy "Adyrna" ūlttyq portaly.
Oqiǧa saldarynan Tehastyŋ bırneşe aimaǧynda tötenşe jaǧdai jariialandy. Köptegen joldar qirap, bailanys jüielerı ısten şyqqan. Qūtqaru qyzmetınıŋ mälımetınşe, qazırgı uaqytta 237 adam qauıpsız jerge evakuasiialanǧan.
Qūtqaruşylar joǧalǧan balalardy ızdeudı jalǧastyryp jatyr. Izdeu jūmystaryna tıkūşaqtar, drondar jäne qaiyqtar tartylǧan. Bilık barlyq joǧalǧan adam tabylǧanşa jūmys toqtamaitynyn mälımdedı.
Guadalupe özenınıŋ deŋgeiı nebärı 45 minut ışınde 8 metrge köterılgen. Köp mölşerde jauǧan jaŋbyr özen maŋyndaǧy jyljymaly üilerdı, kölıkterdı jäne demalys üilerın şaiyp ketken.
Gubernator Greg Ebbott tötenşe jaǧdai turaly jarlyqqa qol qoiyp, barlyq resurstardy qūtqaruşylardyŋ ielıgıne berdı. Ştat boiynşa 4 şıldege josparlanǧan Täuelsızdık künıne arnalǧan barlyq şaralar toqtatyldy.
AQŞ prezidentı Donald Tramp būl oqiǧany «şok tuǧyzatyn jäne qorqynyşty» dep baǧalap, Aq üi Tehasqa qosymşa kömek körsetetının mälımdedı.
Kerr okrugınıŋ şeneunıgı Rob Kellidıŋ aituynşa, būl aimaqta su tasqynyna eskertu jüiesı joq bolǧandyqtan, tūrǧyndar aldyn ala evakuasiialanbaǧan. Ol būl tasqyn 1987 jyly bolǧan su apatynan da asyp tüskenın aitty. Sol jyly şırkeu lagerındegı avtobus ışınde 10 jasöspırım qaza tapqan edı.
Meteorologtardyŋ aldyn ala boljamyna säikes, būl joly 20 sm jauyn-şaşyn kütılgen, bıraq jauyn mölşerı äldeqaida köp bolǧan. Jergılıktı bilık tūrǧyndardy özen men su qoimalary maŋynan biık aimaqtarǧa köşuge şaqyruda.
